مشتريات ميك ابيه :)

السلام عليكم 

تدوينه اليوم عن مشترياتي للميك اب ومنتجات العنايه من دبي 

اذا حابين تشفون مشترياتي للديكور او اكسسورات وغيرها  اكتبو لي :) 

فاونديشون ديور هالفتره ياكثر ماشفت عنه ريفيوات 

وماكنت ناويه اخذه :) 

بس لما شفته قلت اسوي له سواتش بس اجرب قوامه ^ـ^ 

لما جربته على يدي ولامره جربت فاونديشون مثل قوامه عشان كذا اغراني شوي :) 

وحسيت يعطي نظاره صرت كل يوم ادخل اسوي له سواتش واطلع ههههههه لان عندي فونديشنات كثثير 

ف ماكنت حاطه بمخي ان بشرتي بس صرت كل يوم اروح اشوفه كنت محتاره فيه اخر شي اخذته 

بس اتوقع بحبه اخذته من سيفورا 

سعره ٢٢٥ او ٢٢٥٠ درهم مو متاكده بالضبط

فاونديشون لوريال 

^ 

هذا وانا مابي اشتري فاونديشنات 

حبيته ان مو مات ولايعطي قلو جاي بالوسط واخذت اغمق مني بدرجه عشان الصيف :) 

من سنتر بوينت سعره ٦٩ درهم 

شدو من نارس لونه جمممممميل 

اخذته لمدمع العين بيطلع بطلل وينفع استخدمه ك اضائه بعد 

شدوات نارس هالمجموعه كللللها اللونها حلوه واحتار اذا شفتهم 

اسم الدرجه andromeda

اخذته من سيفورا وسعره ١٣٥ درهم 

شدو من ارديكو

اول مره اشتري منهم شي الشدو ترا نتفه زعنووووون 

درجته ٢٧ 

سعره ماذكر بالضبط بس قل من ١٠٠ 

صمغ رموش من هدى بيوتي 

شفت دلال الدوب تكلمت عنه مره بفديو لها 

ان ينشف بسرعه مايحتاج اجلس استناه ينشف 

سعره ٨٠ درهم من سيفورا 

مسكره شانيل 

هالفتره ادور لي مسكره تغنيني عن اي مسكره 

واجرب واجرب احس نفس اللي عندي او اقل منهم 

كنت ابي مسكره تعطيني كثافه وطوول 

لما جربت ذي بالمحل قلت ابد هذي هي اللي ابيها :) 

بس اجربها كويس بكتب عنها ريفيو متحمسه لها كثير:) 

اخذتها من باريس قالري بس ماذكر سعرها ابدا ابدا 

شدو كريمي من ماركه  كارديشان 

حصلتها بدبي مول بمحل فيرجن 

الشدو لونه حلو وغير كذا جربته على يدي انا وبنت عمتي جلس ثاااابت ف رحنا واخذناه 

سعره ٦٥ درهم 

عطر مس ديور لشعر 

حصلت عندهم عطورات شعرر كثييير من شانيل وديور وحنا عطر شانيل ١ وديور ١ ولامخلصه دايما بعد :( 

اخذته ب ٢٠٠ درهم من بلومينغديلز

من kiehls 

كثير الفتره الاخيره اشوف ريفيوات عن منتجاتهم وماحصلت احد ماعجبته 

بذات السيريوم 

من اليمين مرطب شفايف ب ٦٥ 

مرطب للعين ب ١٧٠ 

السيريوم الحجم الصغير ب ٢٠٠ مو ذاكره بالضبط بس ٢٠٠ وشي 

السيريوم هذا الحجم الصغير عندهم بس اشوف ان حجمه كبببير

+عطوني عينه لمقشر للبشره ماجربته الايوم رجعت حبيييت  الاحساس اللي عطاني وحبيبات التقشير مررررره ناعمه 

تحسفت ان ماجربته الايوم رجعت ف المره الجايه ان شاء الله اخذه 

+قبل تتشترون اي منتج خل تعطيكم عينه وجربوه انا عطتني عينات قبل اشتري :) 

محلهم بدبي مول 

هالقناع مادري ليش مو مقتنعه فيه وانا ماجربته اببببدا 

بس سيفورا حصلت حاطين احجام صغيره منها قلت اجرب 

بس حجمه صغيرررر وب ٦٥  

وبس وبكذا خلصت وان شاء الله اول ماجربتها بكتب عنها ريفيو 

*ترا تعليقاتكم تسعدني كثيييير 3>