منتجات جديده

السلام عليكم 

صباح ومساء الخيرات 

مشتاقه للمدونه  والتدوين بشكل مو طبيعي :( 

بس هالفتره جدا مضغوطه شغل :( 

حبيت اسوي تدوينه عن منتجات جديده جربتها ورايي عنها 

شامبو و بلسم افلون 

الشامبو غني بالبروتين وفايده البروتين هي الماده الاساسيه اللي تكون الشعر 

مصنوع من مواد طبعيه وعضويه خالي من المواد الضاره والسيلكون ، وقلة البرووتين تسبب تساقط الشعر 

انا هالفتره طايحه بالمنتجات العضويه ، واي منتج للامانه بموقع اي هيرب اثق فيه لان الموقع يوفر كل شي عضوي ، واحب المنتجات العضويه لان احس بامان وانا استخدمها :) ارتاح نفسيا وانا استخدم اي شي لشعري او بشرتي وهو عضوي احس اذا مانفع مراح يضر ف عشان كذا ارتاح لهم كثير .

الشامبو حجمه كببيير صار لي شهرين استخدما يوميا ولسى ماوصلت لربع اول ماستخدمته حسيت ملمس شعري شوي غريب مايصير ناشف ولاطبيعي زي ماهو لا ملمس غريب مو عارفه كيف اوصفه للامانه ههههه بس حطيت البلسم وصار عادي ملمسه زي كل دايم :) . بعدين لا حسيت طبيعي ماغير ملمس شعري ، وينظف لي شعري كويس ، واهم شي بالنسبه لي انا مرتاحه وانا استخدمه اما تحسن بشعري معاه ماحسيت بشي لان اساسا هو شامبو بروتين ، واذا خلص برجع اخذ منه لان مرتاحه عليه 

وسعره كويس وحجمه كبببير

تحصلونه عند @royal_market 

ماسك البيض للشعر من سكن فود

ابدا ابدا ماكنت حاطته ببالي ولاقريت عنه شي بس طلبات من متجر وارسلته لي هديه ،

 نتكلم عن الماسك شوي 

من سكن فود الماسك علاج مكثف لشعر لانه من خلاصه البيض المغذي، يساعد على تقويه الجذور ويساعد على اصلاح الشعر التالف يحتوي على البروتينات والفيتامينتات . 

تجربتي له على فكره سكن فود للحين اي شي اجربه منهم احبه ف اثق فيهم كثير ،

انا حبيته لان نتيجته على طول تبين ف اذا عندي مناسبه او شي احطه ،يعطي شعري لمعان ونعومه ويسهل علي الاستشوار ، ومع الاستشوار او الستريت يكن شعري حلو فيه لمعه ، انا حابته ف هالنقطه بس ان يعالج الشعر التالف ، شعري من تحت شوي تعبان وماتغير باقي زي ماهو 

اذا حابه نعومه ولمعان انصحك فيه 

تحصلونه عند @enayhboutique

ومحلهم موجود بدبي 

ماسك البشره من فارم هاوس 

انا جربت نوعين اللي بالكاكو واللي بالزبادي ،اللي بالكاكو يهدي البشره المجهده ويعزز الدفاع عن التجاعيد  واللي بالزبادي ينظف المسام ويشد البشره وترطيبهم 

انا حابه اللي بالكاكو اكثر احس صدق تفرق بشرتي بعده تكون مشدوووده واحس فيها نظاره ونعوومه اللي بالزبادي  اذا غسلته ماحس بنفس الاحساس مع ماسك الكاكو احسه عادي بالنسبه لي ولبشرتي اللي بالكاكو افضله اكثر واكيد من بشره لبشره تفرق 

طريقتي فالماسك احطه فالاسبوع مره اخليه لما ينشف على بشرتي من  ٥ ل ١٠ دقايق واغسل بشرتيي 

انا طلبته من متجر @nada3478 

او تطلبونه اون لاين 

تونر  بتلات الورد 

التونر بخلاصه الورد ومنتج عضوي وهذا اهم شي :) 

التونر مايعالج ولاشي بس خفيف جددا على البشره مايجففها انا جدا مرتاحه عليه 

لان ماحسس بشرتي ولان عضوي ف مرتاحه عليه كثير عشان كذا وفرته بمتجري :) وغير كذا حجمه جدا كبير و سعره مناسب 

تحصلونه عند

@organicworld8

اسفنجة ايكو 


من اخر المنتجات اللي جربتها بس حبيت اقول رايي المبدئي عنها 
اتوقع الاغلبيه قرا عنها وسوت ضجه الفتره الاخيره للامانه ماكنت مقتنعه فيها ان تنظف البشره كويس من الميك اب حاطه ببالي ان تنظف تنظيف بسيط يومي بس 
بس لان صرت اوفرها بمتجري واي وحده بتطلبها تسئلني عن رايي فيها ف حبيت اجربها واستخدمها كل يوم وتنظف لي بشرتي "اول مافتحتها كااانت قاسييه غسلتها بمويا دافييه صارت طررريه واحط عليها الغسول وانظف بشرتي " 
حبيت اسوي لها اختبار :) بالعاده اي منتج لتنظيف الميك اب بشوف نتيجته تسوا او لا انظف فيه بعدها اغسل وجهي بكلرسونك واشوف بالفرشه يطلع لي بقايا مكياج او لا اذا طلع ف بيكون زي كل المنتجات ل ازاله الميك اب اللي جربتها احتاج كلرسونك بعدها :( ، ف حبيت اسوي للاسفنجه هالاختبار ^ـ^

نظفت بشرتي بنظف الميك اب حقي ، بعدها غسلت ب اسفنجه ايكو بشرتي 
بعدها بكلرسونك مالقيت بقايا ميك اب ابدااا ، ف اتوقع بتكون بطله 


وهذا رايي المبدئي عنها بس اجربها وقت اكثر بتكلم عنها 












الحين نجي للحب الميك اب 

برايمر ميك اب فور ايفر 'hydrating primer' 

انا بشرتي مختلطه  بس الفتره الاخيره صايره اللي مختلطه جافه الانف والجبهه جافه ومهما اقشرها يبقى مع المكياج قشور والباقي عادي ، ف هالبرايمر انقذني هالفتره :) احطه على كل وجهيي يرطب لي اللي جاف ومايبين لي قشورهم والباقي اهم شي مايصير يدهن ، لان اذا جربت اي برايمر فيه ترطيب يدهن باقي وجهي بشكل شنيع :( بس هذا الحمد لله كويس البرايمر اشوف مناسب للبشرات المختلطه 
لان يرطب بدون مايخليها ادهن 


تحصلونه بسيفورا وباريس قالري اي محل عندهم ميك اب فور ايفر 

وسعره تقريبا ١٦٥ ريال 

فاونديشون ديور نود اير سيروم 

خل اقول لكم قصته ابدا ابدا ماكنت حاطه ببالي بشتري فاونديشون الا لما اخلص اي واحد من اللي عندي ف لما كنت بدبي طبعا اغلب يومي بمحلات الميك اب :) قلت اجربه اشوف قوامه كيف بس جربته اعجبني قوامه لان لسى ماجربت اساس كذا  ورحت وخليته صرت اقرا عنه ريفيوات ف حبيته اكثر لان المميزات اللي فيه زي ماحب ف صرت كل يوم امر اجربه واطلع  وهذي حالتي لييين اخر يوم لي بدبي رحت شريته :) 


قوامه سائل اذا حطيته على بشرتي يعطيني شكل مخملي وملسمه جمممميل على البشره ، تغطيته متوسطه ،يعطيني اضائه حلوو كان بشرتي صحيه من قلب :) ، انا ماخذه اغمق مني بدرجه ف حابته جدا جدا انا احب الاساس يكون اغمق مني بدرجه احس يطلع احلى :) ، بس هالفتره يوم بشرتي صارت نص جافه :) ابدا مانسب بشرتي صار يبين القشور ف بيناسب البشراات المختلطه او الدهنيه احس بيدهن معاهم شي بس قبله برايمر او بعده بودر اوك "عشان بشرتي صارت تستهبل هالاساس جربته معه مرطبات كذا نوع وبرايمر ميك اب فور ايفر عشان الجفاف يقشر معي نفس المشكله بس اي اساس ثاني يمشي معي " 




اخذته من سيفورا 

سعره ٢٥٠ درهم

بودره الحواحب من ايلامسكا 

قريت عنها كثير واشوف نوف تحبها كثير :) وانا اثق برايي نوف دايما 
ف حبيت اجربها ولان اوفرها بمتجري ف لازم اكون عارفه هي كيف ، 
البودره اول شي كميته كبيره ،واللون حقها شفتو البودره اللي تلون شعر الحواجب معاها كيف اي هي كذا انا شعري حواجبي اسود ودايما لازم مسكرا حواجب عشان تكون بنيه وعارفين مسكره الحواجب مرات تكون سايله وتحوس ف هالبودره ريحتني كثير تفتح لي حواجبي يصير لونها بني غامق مو اسود وانا احب كذا وثبتها جدا جدا عالي للامانه جربتها ف اقسى الظروف :) وكانت ثابته معي وبالنقاب بعد ثابته عاد الحين بداا الصيف ومع الحر والنقاب نص الميك اب يروح :) 



سعرها بالموقع حدود ١٠٠ من غير الشحن 

واغلب التاجرات يوفرونها انا اوفرها بمتجري @shoog__shoop



ولان قلت لكم عن نوف هالانسانه سبحان الله تنحب بشكل بذات بالسناب كثير حبيتها وانبسط عليها واثق برايها دايما وهذا حسابها بالنستقرام@noufbeauty 

مسكره شانيل 'le volume de chanel'

انا بالمسكره احتاج تكثيف اكثر من تطويل ، وقبل فتره جلست ادور على مسكره تعطيني كثافه وطول بس ابي كثافه اكثر ، وحصلتها ب هالمسكره كثير حبيتها 
واحط اكثر من طبقه ماتكتل معي ابدا وتفرق لي الرموش

اخذتها من باريس قالري بس للامانه ماذكر سعرها 

فرشه سيقما e40 

هالفرشه لدمج الشدو على كسره الجفن وانا استخدمها لكنتور الخشم بعد لان تدمج لي كويس ، انا دايما احب هالنوع من الفرش لان تدمج لي الشدددو بشكل فضيع ماستغني عنها ابددا وبنظري هي بديل لفرشة ماك 244 

قبل عندي ماك واحس شعرتها خشنه شوي على الجفن بس هالفرشه عطتني نفس الدمج وشعرها انعم شوي وفرق السعر 



سيمقا سعرها ٦٠ ريال من متجر glamourbeautysa

وماك سعرها اذا مو غلطانه ١٣٠ عندي منه سنه وشي بس اكيد رفعو سعرها 







وبكذا خلصت المنتجات اللي جربتها بالفتره الاخيره 

وان شاء الله تستفيدون من الريفيوات الزعنونه اللي جربت اي منتج منهم 

ياليت تكت لي رايها عنه لان يهمني كثير