منتجات بوتيك اركان

السلام عليكم 

اكثر شي طلبتوه مني هالتدوينه:)،منتجات بوتيك اركان تكلمت عنها كثير بالسناب ،عشان كذا ماحب اتكلم عن منتجات بالسناب لان قهر شوي وتروح ف افضل هينا او انستقرام ، المهم انا هذي تجرربه لي مع هالمنتجات المجموعه الجديده 

لسى ماقدر احكم عليها لان لي اسبوع او اسبوع ونص من اوصلتني وماقدر احكم عليها وبعضهم مافضيت اجربهم ، بس بقول تجربتي للي جربتهم من زمان 

اول شي صاحبه المتجر سبحان الله من الاشخاص اللي ينحبون ويدخلون القلب:)والله جد فيه ناس كذا تحبونهم وماشفتوهم ،تحمست لمنتجاتها لما شفت رئي البنات بحسابها وردودهم جد تحمست لهم ، ولان انا طبعي من زمان احب اخربط وااخلط ف هالسنه ماعندي وقت ابدا اخلط واحوس عن خلطات ف حبيت ان شي كذا جاهز وللامانه اثق فيها ثقه عمياء :) ، وكل مكونات الخلطات حقتها اشوف تجيبهم من المغرب ودائما تصور اذا راحت بالنستقرام زمان وحاليا بالسناب ، واكثر شي انبسطت عليه زيت الارقان ان تجيبه من المغرب 

وكل الصور للمنتجات الجديده لان اللي جربتهم قبل تم القضاء عليهم :) 

نبدا بسم الله 

اول منتج واكثر منتج حابته من منتجاتها الصابون المغربي، جد والله ينظف من قلب قلب قلب ،انا كل شهر اسوي حمام مغربي ، ودائما مايطلع الجلد الميت ماشوفه بعيني ، هذا اول مره جربته انصدمممممت من كل اللي طلع هذا وانا كل شهر حمام مغربي وتقشير، بس شفت كذا وحده كتبت لي ان جربت صابونها وماشافت شي ف بقول لكم طريقتي اللي بنظري انها صح :) ، طبعا ماحب اجلس ببخار ولاهالخرابيط ، اشغل المويا على حراره تتحملها جسمي ٥ دقايق بعدها احط الصابون على كل جسمممي واخليها ٥ دقايق واذا بالي طويل شوي :) ١٠ دقايق بعدين اغسله واذا غسلته ابدا افرك بالليفه **اغسله بعدين افركك مو افرك قبل اغسل الصابون احس كذا مايجيب نتيجه اي صابون 

بعدها بتشفون البلاوي طبعا انسوى النعومه والرقه وقتها لان ماتجيب نتيجه ههههه ولاتصيرون دفشين بقوه كذا بتجرحون بشرتكم ، واذا استخدمت اللي ببالنيله يبقع جسمي ازرق بالاماكن اللي مافركتها من قلب ف اصير اعرف باقي هينا جلد ميت ، هي عندها كذا نوع للصابون "النيله ،العادي ، الخزامى ، الصبار،العكر الفاسي،بالليمون"

والليفه انا استخدم حقة البوتيك 

انا جربت الخزامى والنيله وخلصتهم حتى اللي بالخزامى اتوقع تعرفون قد ايش احب الخزامى ،احب استخدمه اذا بسوي حماما مغربي وبنام ، وعندي باقي الانواع بس من المجموعه الجديده لسي ماجربتهم 

طبعاا كثير يجون يسئلوني اي افضل نوع صابون فيهم هم كلهم صابون مغربي بس لكل وحده شي مثلن اللي بالنيله لتفتيح 

والصبار الترطيب والنظاره ف كل وحده تختار حسب ايش هي تحتاج تفتيح او توحيد او شد او او او 

والنوع اللي بالصبار لما جيت اصورهم انا لسى ماجربته ف ريحته حلوه 

وانا اكتب عنه تحمست اروح اسوي حمام مغربي ، جربت اليوم الصابون العادي بس جبربت زياده مع خيمه السونا 

النتيجه طلعت افضل بكثيييير انبسطت عليها، ونسيت اذكر نقطه افضل شي بهالصابون مايحتاج فرك فرك ، قبل اللي جربتهم افرك افرك افرك واتعب لين يطلع الجلد الميت هذا لا على طول يطلع الجلد الميت 

كميته اشوف انها كبييره تكفي لوقت طوويل نص كيلو 

واسعارهم ب ٤٥ ريال الا العادي اقل منهم بس مو متاكده كم 

الخلطات 

تجي انواع نفس الصابون المغربي ، بالعكر ، والبيضاء ، والورديه ،والنيله 

انا قبل جربت اللي بالنيله مررررره فضيعه احس صفت بشرتي وصارت فيها نظاره ،والتوحيد اللون الحمد لله ماعندي هالمشاكل اللهم مفاصيل اليد بس مشكلتي من كريمات اليد المعطره واطلع بالشمس واحط منهم :( ، ف حمله عنايه لليد خاصه :) ،ف ماقدر افيدكم ب هالنقطه اللي توحيد للون لان الحمد لله من زمان اهتم ف تكون المشاكل اقل 

انا احب احطها قبل انام، او قبل الشاور ب ٣ ساعات ، والحمام مغربي معم قبل الخلطات والتقشير بعد لان يساعد ان الجسم يستفيد من الخلطه ، انا كل شهر حمام مغربي وكل اسبوع مقشر انا استخدم فرانك، وتكلمت عنه قبل بالمدونه 

انا حاليا استخدم الورديه يوميا لان تعطي لون وردي للجسم :) 

خلطه الدادا 

من الاشياء اللي احبها قبل الحمام مغربي ، احس تكمل التسنيع :) لان تنظف من قلب ، وتعمل زي التقشير للبشره 

انا قبل ابدا بالحمام المغربي احطها  الكميه اللي تكفيني مع مويا مغليه وعصره ليمونه ، بس ماتنفع على الجروح ،واخليها تقريبا من ٥ ل ١٠ دقائق بعدها اغسلها واحط الصابون المغربي ، جربت اسوي حمام مغربي فيها وبدونها 

احس معها تساعد ان الجلد الميت كله يطلع 

الطين المغربي

انا بعد ماحط الصابون المغربي واخلص منه احط الطين المغربي، مع ماء مغلي وشوي ماء ورد ، واخليه تقريبا ٥ دقايق ومرات اقل ، ومن فوائده يجدد الخليا ، ويوحد اللون انا احب اذا سويت الحمام المغربي استخدم كل شي لان احس مكلمين لبعض ماحب بس احط الصابون المغربي لحاله احب اكمل كل شي معاه عشان تكون النتيجه افضل انا احس كذا 

وفيه منه انواع زي الصابون انا هالنوع اول مره اجربه اللي قبل جربت نفس الصوابين اللي جربتها اللي بالخزامى واللي بالنيله

زيت الارقان 

كلللنا نعرف قد ايش هو مفيد للبشره ، وغني بفيتامين اي ، ومرتاحه نفسيا وانا استخدمه على بشرتي لان طبيعي ، انا قبل مره بالاسبوع احطه على وجهي ماحطه كل يوم لان بشرتي مختلطه ف ماحب الزيت بس مره بالاسبوع ، بس قريت قد ايش هو مفيد للتشققات اللي بالجسم ، اللي تطلع من نقص الوزن او الزياده، ودائما علاجها صعب :( ف بديت استخدمه بس اشوف النتيجه راح اقول لكم عليه ، واحسن شي غيرو التعليب وصار بخخاخ ف اسهل بالاستخدام ,وانا سويت خلطه من مخي ، زيت الارقان نقطه وزيت فيتامين اي نقطه:)وشوي فازلين وشوي عكر فاسي واحطهم لشفايفي 

ماء الورد 

اتوقع مايحتاج اتكلم قد ايش هو مفيد ويعطي نظاره وصفاء للبشره ، انا اخليه بالثلاجه ، وكل يوم بعد الغسول صباح ومساء احطه بدال التونر ، بيسكر لي المسام ، وبيعطي نظاره للبشره ،واذكر مره قريت معلومه مادري صحيحه او لا ان ماء الورد البارد على البشره يوخر التجاعيد او ياخر ظهورها 

الدلكه المغربيه 

ماعندي صوره لها لان خلصتها :$ ، مره مره مره مره مره مره بطله اساسا بالمغرب يستخدمونها العرائس ، على فكره ماحب البنت تهتم اذا جاء وقت زواجها ، حبي نفسك واهتمي طول عمرك مو فتره وخلاص هذي بشرتك <<<شطحت لا جد :) 

لان كل ماهتميتي ببشرتك من جوا من برا بتبقى شباب طول عمرك ، دائما نشوف فنانات وهم كبار بالعمر كانها صغيره هذا من الاهتمام بالاكل الصحي وبالبشره وخلصت شطحه :) 

المهم ان انا احب الدلكه استخدمها بيوم لحالها لان احس يبي لها طوله بال :) لان ثقيله شوي ، وانا ماحبيت ريحتها بس من اول استخدم شفت النتيجه بعد ماغسلتها قللللت عادي اتحمل الريحه دام كذا ، حتى على طول خواتي لاحظو الفرق ، تحسون مو عارفه اطلع الكلمه ههههه شفتو اذا سويتو جدول للعنايه وبعد اسبوع لاحظتو النظاررره وتحسون لمعه بالجسم هو كذا من اول استخدام واحس الجلد نظيييييف مره احبها 

الخزامى

حاطتها تحت بالمطبخ ف تعيجزت اجيبها اصورها ، اللي متابعيني بالسناب عارفين قد ايش احبها ، انا استخدمها وقت الودره اشربها مررره تريح ، وتهدي الاعصاب شوي ، لان وقتها تكون اعصابنا مشدوده شوي ، ذي تروق ، واذا حسيت مزاجي مو اوك شربتها ، هي معروفه ب فوائدها مره مره تنظف ، او تستخدم ك غسول :$ يخلي الريحه :$ اصلن اذا غليتها بيتنا كله تصير ريحته هو وانا مررررره احب ريحة الخزامى كل شموعي ووالمعطرات بالخزامى ،لها فوائد كثير بس عيب اقولها هههههه اقرو عنها افضل 

خلطه الزبدات 

اللي متابعيني زممممممان بيعرفون قد ايش احب ريحتها :) ترطيبها ثقيل وريحتها فانليا ، استخدمها قبل النوم لرجولي وحدت لونها وترطبها لي كويس ،صورتها مدري وين راحت 

ذولي المنتجات اللي جربتها وقت طويل واقدر احكم عليها اما الاغلبيه لسى جديد استخدمته كم مره ف ماقدر احكم عليه ،وللامانه احب منتجاتها جدا واثق فيها زي ماقلت قبل ، لاتهتمون بنفسكم عشان زواج او مناسبه حبي نفسك ودللي نفسك لنفسك :) لاتنتظرين مناسبه عشان تهتمين خلي دائما بشرتك فيها نظاره حتى لو ماعندك مشاكل اهتمي عشان ماتطلع مثلن جسمك متوحد لونه وكل شي تمام اذا اهملتي بتطلع كل المشاكل ف ترطيب مستمر تقشير مره بالاسبوع او بالشهر وحمام مغربي راح تحافظين عليها دائما يكون حلو وراح تنبسطين على نفسك 

وهذا حساب بوتيك اركان BOUTIQUE_ARGANE