السلام عليكم
اليوم بنكمل اساسيات الميك اب
اول تدوينه تحصلونها هينا
http://shoog-blog.blogspot.com/2015/01/1.html
بعد ماهيئنا البشره
من غسول وتونر ومرطب
بندا بخطوات الاساسيه
١-برايمر
٢- فاونديشون
٣ـكونسيلر
٤ـبودرة
البرايمر او البيس
وجدا مهم بتشفون الفاونديشون غير معاه
الفايده منه :
١ـيحمي البشره
٢ـيثبت لك الفاونديشون اكثر
٣- يخلي الفاونديشون احلى على البشره
٤ـيحل مشاكل البشره (احمرار - التحكم بالدهون - مسام - ترطيب )
وعشان تختارون المناسب لبشرتكم
شوفو ايش نوع بشرتكم ومشكلتها بالميك اب
انا بشرتي مختلطه ومشكلتي بشرتي الدهون والمسام
فاادور على برايمر يناسب بشرتي ويتحكم بالدهون ويغطي لي المسام
الانواع اللي جربتها ببدا بالافضل بالنسبه لي
وكلهم متكلمه عنه بالتفصيل وهينا بتكلم بشكل سريع
حق سماش بوكس هذا مخصص للبشره المختلطه او الدهنيه
يتحكم بالدهون مايخلي بشرتي ادهن مع الفاونديشون
واحطه على المسام "بالطبطبه" عشان يغطيهم لي
واي شي يغطي المسام حطو بالطبطبه
واكثر برايمر عندي احبه وافضله
بعدها حق بنفت
يعطي قلو او اضائه
بس افضله اكثر احطه كا اضائه مو كبرايمر
يعني بعد ماحط الفاونديشون
احط منه على اعلى الخد بالطبطبه
يعطيني اضائه كان بشرتي كذاا :)
وكبرايمر بعد جميل بس افضله كا اضائه
حق بنتف الشهير
مايتحكم بالدهون بس يغطي المسام
واهم شي بالطبطبه عشان يغطيهم
اللي عندها مسام واسعه مادري بيغطيهم او لا
حق ماك
ابدد ماحبيته يخلي البشره ملسمها مو حلو ابد :(
يعطي اضائه للبشره بس انا مافضله
واشوف كثير يخلطون منه شووي مع الفاونديشون عشان يعطي اضائه حلوه
بس ماجربته
وفيه قبل جربت حق ميك اب فور ايفر الشفاف
ينفع للي بشرتها اوك مافيها مشاكل ولا شي
واهم نقطه تختارون اللي يناسب بشرتكم واللي تحتاجه اما ترطيب او الدهون او المسام
بعده نحط الفاونديشون
واكثر شي اقوله واعيده :(
قبل تشترين فاونديشون
احرصي على هالنقطتين
- ايش نوع بشرتي
-ايش احتاج تغطيه
مثلن انا بشرتي مختلطه وافضل التغطيه الوسط
ابحث بالماركات بفاونديشون للبشره المختلطه وتغطيته وسط
"لان كثير تشوف بلوقرز تتكلم عن الفاونديشون ان حلو وان مناسب لها
تروح تشتريه وهي ماتدري بشره عن بشره تفرق اكيد البلوقرز يكتبون نوع بشرتهم
شوفي زي بشرتك ولا لا
لان الفتره الاخيره صارو اذا شرو شي ماعجبهم قالو دعايه
:)
والمشكله فيها هي مو عارفه تختار اللي تحتاجه واللي يناسبها
اعرفو بشرتهم وايش تحتاج عشان ماتشترون وترمون
وهالشي اطبقه على كل الميك اب مو فاونديشون بس اشوف مميزاته نفس اللي ابي وافضل او لا
طلعت عن الموضوع المهم ههههههههه
انا اذا بشتري فاونديشون ماجربته وعلى طول اشتريه لا
اجرب كذا نوع نفس اللي احب بالمحل
ووقتها اصير اعرف وش اللي عجبني وحسيت بيطلع حلو
واشوف اقرب درجتين لبشرتي
وماجرب على يدي ترا بيطلع افتح لما تحطين على وجهك
اجربه على وجهي والحين المحلات كلها بنات
ارفع شوي طرف نقابي واجرب :)
وترا اضائه المحلات قووويه بيبين اي فاونديشون ان زي لونك
فارجع للبيت
واشوف الدرجتين علي ووجهي بالاضائه الطبيعيه
من هينا اشوف اللي نفس لوني
اوو خل تحط لكم عينه بعلبه عدسات
لان اذا اخذتو افتح من لون البشره بيقلب رمادي
*نقطه مهمه جدا
اذا عندك تصوير عروس او غيره :)
اختاري الفاونديشون مايكون اتش دي ولا فيه حمايه من الشمس
لان مع التصوير والفلاش بيصير ابيييض
اللي بشرتها زي بشرتي كاتبه ريفيوات عن كذا فاونديشون
هينا وبالنستقرام
الكونسيلر
نفس الفاونديشون لازم تحددون كم نقطه
- هالاتك كيف
-وايش حابته تغطيه
كل ماكانت هالاتك قويه تحتاجين تغطيه قويه
ومشاكل الكونسيلر يقلب رمادي ويخطط
يقلب رمادي لان هالاتك قويه (لازم قبل كوركتر)
ويخطط لازم تثبتونه باللوس بودر وترطبين عينك قبل
اذا هالاتك قويه
تحطون قبل الكونسيلر كوركتر بالطبطبه بعدين كونسيلر بالطبطبه
بعدين لوس بودر تحطون الفرشه طبطبه مو مسح
الكونسيلرات اللي جربتهم كثير فايبي لها تدوينه لحالها
وهذي تدوينه عن الكوركتر او مصحح اللون
http://shoog-blog.blogspot.com/2014/09/blog-post_15.html
البودره
مهمه عشان تثبت لكم كل الشغل
نفس الفاونديشون تختارون التغطيه المناسبه واللون المناسب
فيه تغطيه خفيفه عشان تثبتون الفاونديشون بس
والميديم والثقيله
والبودره اللي اتش دي :) انتبهو بالتصوير بالفلاش ترا بيطلع وجهكم ابييييييض
بقول لكم اللي جربتهم
بشكل سريع
دولتشي اند قابانا
تغطيها جممميله استخدمها للمناسبات وتستخدم لحالها
بس ماحب البودر بدون فاونديشون :(
التغطيه من ميديم ل فل كفر
استخدمها مع الفاونديشون حقها وللمناسبات لان التغطيه عاليه
او اذا فاونديشون عندي تغطيه خفيفه وابي شوي تغطيه استخدمها
بنفت
كثير متكلمه عنها واخرهم امس بالنستقرام تحصلونها بهشتاق #shoog_blog
مارك جوكبس
ماحبيتها كثير عشان كذا ماجربتها كثير :(
ماقدر اتكلم عنها لا لما اجربها كويس
بس من كذا استخدام ماحبيتها
وكلارنس
خفيفه بس تثبيت بس مافضلها كثير
اللوس بودر (استخدمهم لتحت العين عشان اثبت الكونسيلر)
لومارسييه
واكثر وحده حابتها لان شفافه
وموديه شغلها :)
بن ناي (بنانا)
المشكله لونها اصفر
فااذا حطيتها تحت عيني يصير اغمق من باقي وجهي
تنفع للي بشرتهم سمرا شوي
ايلف
نفس مشكله بنانا فاللون
بس تعطيني ملمس جممممل افكر ادمجها مع بودر ثانيه :)
وبكذا خلصنا الاشيااء المهمه وكل اللي جربتهم تكلمت عنهم هينا والنستقرام تحصلون بالهشتاق
التدوينه الجايه عن الكنتور ان شاء الله
استفدت كثير من هالتدوينه يعطيك العافيه استمري💝
ردحذفبغيت اسألك من وين اشتريتي برايمر سماش بوكس وكم سعره ❤
ردحذفالله يجزاك خير استفدت منك كثييييير
ردحذفشكراً لككك
ردحذفمعليش الفونديشين الاتش ذي معروف للتصوير لكن الفونديشين الي فيه حمايه ماينفع للتصوير
ردحذفسؤال .. اللوس بودر ماتنفع اثبت الفونيدشين فيها لكل وجهيي؟؟؟ . .
ردحذفالفونيشين بنسبه مستحيل يثبت .. حتى وانا اعمل كل هالستيب :( . . تكلمين عن هالنقطه