لوس بودر لورا مارسيه

السلام عليكم 

اليوم البوست عن لوس بودر لورا مارسيه

مسحوق أخف وزنا من الهواء . بينما تضيف دفعة البرق غير مرئية، واللون الأبيض الشفاف يضيء البشرة على الفور. وضعت لجميع أنواع البشرة، سر التفتيح مسحوق يخلق مظهر الجلد الكمال وبطبيعة الحال، 

وضعت لجميع أنواع البشرة.

نبذه عن المنتتج :

اسمها (Secret Brightening Powder)

لوس بودر تستخدم لتثبيت الكونسيلر ، والاماكن اللي نحتاج يكون فيها اضائه ، ماتنفع لكل الوجه لان فيها لمعه ، بدون لون شفافه ،فيه منه درجتين انا درجه ١ 

مميزاتها وعيوبها :

المميزات :

ـ شفافه اثبت الكونسيلر بلوس بودر شفافه

- تثبت لي الكونسيلر 

- ماتكتل  (بعض البودرات بعد الكونسيلر تخليه متكتل )

- مايقلب الكونسيلر ولايخطط

- ملمسها ناعممم 

- علبتها عمليه مو زي البنانا اتوهق فيها لازم اكب منها عشان احطها ذي لا على طول افتح وبالفرشه اخذ

- تنور لي المنطقه

- تستخدم لاي مكان بالوجه نبي نخليه ينور <<هذا كلامهم بالموقع انا ماجربت 

العيوب :

-فيها لمعه بسيطططه ترا ماتبان كثير بس تنور لي المنطقه بس ماقدر استفيد منها لكامل الوجه 

- كميتها اشوف انها مره شوي 4 g 

طريقه الاستخدام :

بعد ماحط الكونسيلر استنى شوي *ماينفع بعد الكونسيلر علللى طول تحطون اللوس بودر بيطلع مو حلو 

استنى شوي بعدين احطه بالفرشه بالطبطبه اهم شي بالطبطبه 

رايي عنها :

بالنسبه لي افضل لوس بودر جربتها لان مميزاتها نفس اللي احب وافضل 

بس كنت ابي اللي بدون لمعه او اضائه ، بس كنت مستعجله واخذت ذي 

 انهرت يوم سويت لها سواتش بالبيت وشفت اللمعه،بس بالنستقرام سئلت البنات،اللي جربوها ريحوني ان لاجربي وشوفي ، وطلع حقيقي يوم جربت لاتعطي انعكاس اضائه حلوه ،واللي خلاها مفضله لي ان شفافه ومميزاتها الباقي واهم شي بالنسبه لي علبتها عمليه مو اكبكب وتروح على الفاضي بالعلبه على طول ، ومرتاحه لها كثييير ، واتوقع اذا خلصت بجرب اللي بدون اضائه ولورا مارسييه اي منتج منهم اجربه يطلع حلو وللامانه اثق فيها احس كل شي فيها يسوى ويستاهل التجربه . 

انصح فيها او لا :

شوفو مميزاتها اذا نفس اللي تحبون وتفضلون ايي انصحكم 

اماكن الشراء :

انا اخذتها من دبي 

 من محل بلومينغديلز

واتوقع هارفي نكلز دبي بعد 

ومتوفره بالكويت بعد السعوديه لسي مومتوفره عندنا 

سعرها :

١٠٥ درهم 

صور لها :$