منتجات جديده

السلام عليكم 

دايما الممنتجات الجديده ماتكلم عنهم الا اذا كنت حابتها مررره وتكون من مفضلاتي 

بس اللي تعتبر كويسه ماكتب عنها :) مادري ليش ف حبيت اسوي كل فتره تدوينه باسم منتجات جديده 

تكون  اكتب ريفيو صغير عن كل منتج مع سواتش وان اذا مره حابته او يعتبر كويس او ماحبيته 

وهالتدوينه عن المنتجات اللي من ٣ شهور عندي او اقل وانا حابتهم فيه منتجات كثثثير 

بس حبيت اكتب اول شي عن اللي حبيتهم 

بيس من ميك اب فور ايفر 

base lissante هالبرايمر مخصص للمسام 

baes matifiante هالبرايمر يخلي البشره مات او مطفيه 

الاول مخصص للبشرات اللي فيها مسام او خطوط دقيقه بس الخطوط مادري اذا صدق كويس لها او لا ،بس للمسام مررره حابته يخفي المسام طبعا وقت الميك اب بس :) انا اي برايمر للمسام احب احطه بالطبطبه عشان تكون النتيجه كويسه ، وخفييف على البشره ومايجففها 

البرايمر الثاني يخلي بشرتي مات ومادهن وقت الميك اب اللي بشرتها مختلطه او دهنيه وتحب المظهر المات بيعجبها كثير،

من اول ماوصلنني وانا استخدمه بس ترا ينشف بسرعه انا احط جهه وادمج بعدين الجهه الثانيه ،واحسن شي ب هالبرايمرين<<فكي عورني :( 

بالعاده اللي مخصصين للبشرات الدهنيه تخلي البشره جافه او تحسون مشودده تركيبته وملسمه على البشره جيد مايضايق ابدا 

وكلهم نفس اي برايمر يثبتون الميك اب اكثر ، وتحسن من ملمس البشره 

ميك اب فور ايفر تحصلونها سيفورا ، وجوه ، باريس قالري

الكنتور 

الفتره اللي راحت معلقه على ٢ وساحبه على الباقي حتى عندي ٢ جديده لسى ماجربتهم :( والمشكله الاثنين كريميه :) 

كنتور nyx 

طلبته من فتره ،اللي حببني بالمنتج ان استخدامه سهل مايحتاج احطه بفرشه على طول كذا ،وادمج بالبيوتي بلندر ، واللوان مناسب لي كثير لان مو غامق مره ف ينفع استخدمه لمكياج كل يوم لان مرره يبان طبيعي بالنسبه للون بشرتي ،وثباته يعتبر جيد ، مو طول اليوم ولا ساعتين ويروح لا جيد ،وينفع للي حابه شي جيد وسعره كويس وهو ٢ في ١ كنتور وهايلات بس الهايلات ماجربته كثير ف لسى ماقدر احكم والدرجه اللي عندي ميديم ،واشوفه عملي كثير

وهذا سواتش له 

انا طلبته من متجر @nada3478

وسعره ٧٥ ريال 

باليت كنتور فلولس من لورا مارسييه

انا لان امكيج خواتي ف احتاج باليت كنتور ب اللوان تناسبني وتناسب اللوانهم ، عندي كوستال واللوان متنوعه بس دمجه صعب ، ف اذا مستعجله مشكله :( ، ف طلبت هذا ، انا استخدم درجه وحده اللي هي تناسبني ، الباقي لسى تخيلو من اول ماشريته مامكيجتهم ههههههه ،ثباته عاالي ويندمج معي بسرعه ويجي ٣ درجات كنتور واشوف كلها غامقه افتح درجه منهم هي اللي استخدمه ، ويجي درجتين اضائه كريميه ووحده بيج ووحده برونز 

انا طلبته من متجر samra_shop

وسعره ٢٥٠ 

بودره ذا بالم 

البودره شفافه ، تنفع للي بشرتها مختلطه او دهنيه ، وخفيفه على البشره ماتكتل ولاتبين الوجه مغبر لان شفافه ،

اانا احب البودرات اللي نفس مميزاتها اللي شفافه ومخصصه للنوع بشرتي وخفيفه على البشره عشان كذا احب حقة بنفت 

وهذي ،لان كلهم يعطوني تقريبا نفس النتيجه بس اشوف ذي اوفر هههههه لان كميتها اكثر بنظري :) نرجع للبودره :) ماتخلي بشرتي ادهن وطبعا من بشره لبشره يفرق ممكن انا بشرتي بعد كم ساعه تبدا وغيري لا ،وتوخر اللمعان 

من متجر @glamourbeautysa 

وسعرها ٩٠ 

مثبت الميك اب من ايلف 

على كلامهم :) ان فيه فيتامينات اي وسي ويي :) ،وبخلاصه الشاي الاخضر وان بديل للفكس بلس 

اول شي الفكس بلس انا ماستخدمه الااذا حسيت تكتل الكونسيلر ابخ على البوتي بلندر واطبطب او اذا حسيت كثرة بودره ابخ منه عشان مايبين كيكي بس اما يثبت الميك اب احس مكياجي ثابت فيه او بدونه 

وهذا اللي من ايلف نفس الشي استخدمه عشان اذا كثرة بودره او كونسيلر اما تثبيت بعد مكياجي فيه او بدونه الحمدلله ثابت 

ف اللي تستخدم الفكس بلس نفس استخدامي بيكون بديل له بربع السعر :) ،بس حق ايلف لازم اببعد شووي لان يبخ من قللللب 

 تحصلونه بمتجر makeup4u55 

البلشرات 

باليت من لووراك ، انا عاشقه اللون اللي تحت يسار لونه مررره غريب ، ماقد شفت زيييه،وفيه لمعه ذهبييه تعطي اضاءه 

ماتوقعت ان هاللون الغريب بيطلع حلو علي بس طلع جممممميل ،واللون شوي منه يكفيي وثباتهم كووويس هالبلشر الفتره الاخيره بالمناسبات ماستخدم الاهو ،والباليت لونين مات ولونين بقلتر

وهذا سواتش له 

تحصلونه عند @jory_shop1

بلشرات ميلاني 

بالفتره الاخيره اخذت ضجه منتجات ميلاني واشوف كثير يتوبرز يتكلمون عنها ، وانا لافت انتباهي بلشراتهم ،البلشرات جودتهم مرررررره حلووووه توقعت جودتها كويسه بس مو هالكثر ،ووصبغتهم قويه شووي منهم يكفي بس اذا كثرت يصير خدي عرس ههههه ف اخذ شوي بس بطرف الفرشه ويندمج معي زين ، واهم شي ثباتهم كويس تقريبا من ٥ ل ٦ ساعات 

وكمية البلشر جيده واساسا احس مراح يخلص لان اخذ من البلشر بطرف الفرشه :) فيه منهم ٢ اللي على شكل ودره مطفي 

ولونه فتنه فتنه جممميل والصدق ماودي اخرب شكل الودره :) والثاني مطفي بعدد ،اللي حابه بلشرات سعررهم كويس وجودتهم بطله انصحهم فيهم انا عندي كذا درجه بس حابه هالدرجتين 

ودرجاتهم اليمين ٠٤ 

اليسار ٠١

وهذا سواتش لهم 

تحصلونهم عند glamourbeautysa

واسعارهم اليمين ٥٠ ريال 

واليسار ٦٠ ريال 

الشدوات 

شدو كولر بوب 

كولر بوب اخذت ضجه هالفتره ، لان اسعارهم كويسه وجودتهم بعد

كنت طالبه من متجر اغرراض وحطت لي هالشدو منهم هديه

الشدو تركيبته تونس وغريبه ههههه والله انبسط على ملمسه عشان كذا احطه ب اصابعي ههههههههه

شفتو اللي بودر وملمسه زي الكريمي ايييوه هو كذا تركيبته عجيبه ، اللون اللي عندي غامق ف اللون من لمسه يبان 

مادري الباقي زيه او لا بس اللون شوي مره يكفيي واضحح وثباتهم انا احط قبله برايمر ف ثباتهم كويس بدون برايمر مادري كيف وغير كذا شكله حلو :) اصلن مفكره اجرب باقي الالوان عندهم لون جمممميل حاطته باللسته ان شاء الله 

وسعرهم مررره رخيص وجودتهم عاليه 

تحصلونه عند @nada3478

وسعره ٣٥ ريال 

شدوات كيكو 

كيكو ماركه ايطاليه يمكن عشان كذا حابتها :$ واتوقع كلنا شفنا ريفيوات عنها ، انا عندي كذا لون بس اللي استخدمتهم هالفتره ه ال٣ الشدوات اقدر استخدمهم كذا او اببلل الفرشه بمويا ،الشدوات فيهم القتلر الصغااار اللي يعطي اضائه واانا احب هالنوع من الشدوات ، وثباتهم مع البرايمر بقى معي من اول ماحطيت الميك اب لما مسحته والشدو يبان معي بسرعه بالنسبه لي حابتهم كثثير وماندمت ان شريتهم ابدا والشدو كميته جيده 

انا اخذتهم من طيبه بس ماذكر اي محل بالضبط بس شوفو تدوينه مشترياتي من طيبه  

وهذا سواتش لهم 

ودرجاتهم ٢٢٧ ، ٢٠١ ،٢٠٢

باليت وايت اند وايلد 

اذا كنتي مبتدئه ، وتبين تتعلمين على شدوات جودتهم جيده وسعرهم كويس انصحك فيها او حابه شدوات سعرهم كويس وسعرهم رخيص  ، والباليت كلهم بشيمر مافيه ولادرجه مات وحجمه ينفع لسفر ووالشدوات صبغتهم عاليه شوي منه يبان معي بسرعه وجربتهم ببرايمر وكان ثباتهم جيد بدون برايمر مادري كيف ، هالباليت رقمه ٧٣٨ 

وينفع اسوي فيه لوك ناعم او سموكي 

وهذا سواتش للشدوات 

تحصلونه عند glamourbeautysa

وسعره ٥٠ ريال 

تاتو فوراسيه 

هالماركه ماعرفتها الا من هالتاتو ، صاحبه المتجر نصحتني فيه وقالت ان ثااابت وبيعجبني ،

انا اجرب تاتوات هههههه ابي شي يغنيني عن حق ميك اب فور ايفر يكون قريب من نتيجته حق ميك اب فور ايفر ٥٢ كان كويس معي بس وصلت لربع نشف :( 

نرجع لتاتو هذا للحين مانشف معي ، ثباته تقريبا زي ثبات ميك اب فور ايفر ثابت معي لطول اليوم بس لسى ماادري كيف بيكون اذا جا الحر الصدقي :) ، بس هالفتره ماستخدم الاهو واذا مانشف وكان بالحر ثابت بيكون بديل كويس لميك اب فور ايفر الدرجه اللي عندي ٣ 

اخذته من angel_f_shop 

وسعره ٤٥ 

اي لينر كوستال 

اول شي شوفو ريشته ، هالنوع من الريش :) اللي تكون مب شعيرات تكون ثابته تكون سهله بالرسم وتنفع للمبتدئات ، سواده جمممميل ، واشوفه سهل بالرسم حتى بنت خالتي جربته تقول ان سهل ومطفي 

تحصلوونه عند zey_store

وسعره ٤٠ ريال 

macqueen'loving you tint glow'

macqueen'loving you tint glow'

تنت شكله ذكرني بمرطب ديور :) التنت ايش هو . يرطب الشفايف ويعطيها لون طبيعي ويكون ثابت مع الاكل والشرب انا اشوف ان التنت ينفع للبيت لان يبان كان لون شفايفك الطبيعي كذا او الصباح اذا حطين ميك اب خفيف 

هالتنت يعطيني لون لاوردي ولا زي الروج السحري :) بالنص لسى مو عارفه اقرر لونه ايش لاوردي ولافوشي 

بس ينفع مع الميك اب الخفيف المسكره والبلشر ينفع معهم لان ماينفع للبيت لان لونه شوي على فوشي ويرطب لي شفايفي كوويس 

تحصلونه عند @enayhboutique

واخر شي فرشه سيمقا ثري دي 

انا سيقما افضل فرشتهم اف ثمانين ، لان تعطيني تغطيه كامله ، هالفرشه عطتني نفس التغطيه ، والميزه اللي فيها توصل لكل مكان ،اول مرتين استخدمتها حسيت صعبه شوي بس مع الاستخدام عرفت لها توصل ل اطراف الخشم :) واحدد فيها حواجبي من فوق ولزوايا العين اشوفها مو فرشه مهمممه تكون عندك بس اذا حابه فرشه دقيقه بتغطيه كامله انصحك فيها 

تحصلونها عند glamourbeautysa

وعند @nada3478

وبكذا خلصت التدوينه انا حابه الفكره كثير يصير هالتدوينه كل شهر تقريبا او كل فتره 

تدوينه للميك اب وتددوينه للشياء الثانيه :) اكتب فيها الاشياء اللي جربتها ورايي عنها لان دايما ماكتب بالمدونه الا المفضله عندي بس ف حبيت اكتب عن المنتجات الثانيه اللي جربتها ورايي عنها 

اللي جربت اي منتج منهم تكتب لنا رايها ترا انبسط لما اشوف تعليقاتكم :)