drugstore | منتجات درق ستور

السلام عليكم 

منتجات الدرق ستور 

اللي هي منتجات سعرها رخيص 

ونحصلها عندنا بسنتر بوينت 

والصيدليات وايتس وبوتس 

منتجات الدرق ستور 

فيها الكويس وفيها الجيد اللي يفي بالغرض بس بتحصلون افضل منه بكثير 

بس يفي بغرضه :) 

مثل فيه منتجات رخيصه وغاليه وهي نفس الفكره 

مثل مسكره الحواجب بلقى بماركات غاليه ورخيصه 

اذا لقيت برخيصه وتمسكر لي حواجبي ههههههه اكيد باخذها مراح اخذ من الغالي 

تلون لي حواجبي وترتبهم لي وهذا المطلوب فاخلاص 

ليش اخذ الغالي وهم تقريبا بيعطوني نفس النتيجه 

واللي مبتدئات بالمكياج احس ماينفع تاخذ شي غالي 

لان بتشتري اشياء مممكن ماتناسب لها فاتتعلم بالرخيص اول :) 

كلنا بالبدايه نشتري اشاء مو مناسبه لنا فاحرام نشتري شي غالي مصيره ينركن 

مثلي قبل مطيحه عند فاونديشنات شانيل اخخخ كل ماذكر قلبي يعورني عليهم 

اشتري واحط مره بعدين اضيعه لان وقتها ماهتم بالمكياج احطه بمناسبه بس 

والارواج انا افضل الدرق ستور بذات الكريميه 

ريميل وميبلين اذا بغيت لون معين اشوف اول موجود عندهم او لا 

الارواج المات من الدرق ستور متكلمه عنهم قبل بهالتدوينتين 

http://shoog-blog.blogspot.com/2014/11/nyx.html

http://shoog-blog.blogspot.com/2014/08/blog-post_19.html

والاي لينر والجل لينر متكلمه عنهم هينا 

http://shoog-blog.blogspot.com/2014/11/eyeliner.html

بسم الله نبدا :) 

اكحال قولدن ليدي 

اتوقع الاغلب يعرفها 

كريييميه انا استخدمهم على خط الرموش السفليه وادمجهم 

فيهم المطفيه وفيهم اللمعه اكثر وااحد استخدمه البني والزيتي بعد حلو لتحت العين 

وثباتهم جمميل لتحت العين بس انا لازم احط فوقهم شدو نفس اللون وادمجه بعد 

جو العين ماجربته فاماعرف عن ثباتهم 

تحصلونهم بمحلات التجميل العاديه 

مثل اللي بطيبه 

واسعارهم رخيصه تقريبا ١٥ 

شدوات اسنس 

هالماركه احس تنفع للبنات المرهقات مدري ليش 

اذا بشتري لبنوته زعنونه على طول افكر بهالماركه 

هي جدا جدا رخيييصه مناكير ومكياج 

الشدوات انصددددمت انها كذا وهي جدا رخيصه 

يعني سعره ١٥ ريال وكذا ف مررره كويس 

الشدو مو واااو لا بس بالنسبه لسعر كويس 

وطبعا لازم قبله برايمر 

اذا تبين تحطين مكياج لوقت قصير ٣ ساعات تقريبا 

بينفعون 

وفيها منها المات مثل البيج سعرها اتوقع ٨ ريال 

ويمدحون مسكراتهم بس ماجربتها 

هالماركه بصيدليه وايتس 

جمبو بنسل من نيكس

شدو كريمي 

اسهل شي بالحياه بس كذا احطه وادمجه بشكل خفيف وباصبعي بعد :) 

بس عيبه يخطط 

اتوقع اذا حطيت قبله برايمر مراح يخطط بس ماححطه الا اذا مستعجله 

ولااحط برايمر :) 

مرات احطه بيس قبل الشدو بذات اللي نحاسي 

احط فوقه شدو بني يعطيني لونن جممميل 


سعرها ماذكر بس بال ٢٠ او ال ٣٠ 


تحصلونها بسنتر بوينت 

  شدو كريمي من فور ايفر 52 


اشوفه افضل من nyx

لان اللون اقوى منهم 

ماجربته على الجفن فامادري يخطط او لا لان احطه تحت الحاجب او مدمع العين 

لان يعطي اضائه 


انا اخذته من دبي مادري موجود هينا او لا 

برايمر ايلف للعين

خلصت واحد وهذا الثاني :) 

دام خلصت واحد كامل :) فايعتبر جيييد 

"ايلف بالنسبه لسعرها مرره كويسه"

بالنسبه لسعرها تحتها مليون خط 

اول شي هو عمليي جدا 

زي مانتم شايفين مايحتاج لافرشه ولاغيره

وحجمه ينفع لشنط المكياج 

بس يثبت لي الشدو تقريبا ٣ ساعات 

ينفع لطلعات السريعه 

ومايغيير لون الشدو يبقى زي ماهو 


انا وصلني من @aleencemakeup

بيس الشدو من nyx


فيه منه ٣ انواع

٢ ابيض احد مططفي وواحد بلمعه

وفيه بيج

انا عندي الابيض المطفي


يفيي بالغرض

ويثبت لي الشدو ٥ ساعات او اكثر

بس عيبه لان ابيص يفتح لي لون الشدو

ابي اجرب البيح بس للاسف ماحصله :(


انتبهو تاخذون اللي بلمعه ترا مو حلو

سعره اتووقع ب ٣٠

من سنتر بوينت

مسكرة الحواجب من ايلف

زي ماقلت لكم اول التدوينه

كثير ماركات عندهم مسكره حواجب وكلهم نفس الغرض

فااخذ االاوفر :)

انا اشوف ايلف افضل منتجاتهم حقت الحواجب


المسكره جهتين + كميتها كثييره
الجهه الشفافه يقلون ان تعالج الحواجب بس ماجربتها الا مره او ثنتين

والمسكره تلون لي الحواجب  وماتخليهم يابسين :)

فيه مسكرات للحواجب اعيد كم مره عشان يتلون شعره شعرره

هذي لا مره وامشط حواجبي عشان يندمج وبس

وجد جد احبها وماتوقع استغني عنها

اهم نقطه بدون لمعه

وفيه منها اللوان

سعرها اتوقع ٣ دولار

واكثر شي عندي هالمسكره والباليت الحواجب حق ايلف
:)


انا وصلوني من
@ment.of.beauty
@amlufr

كحل ايف روشيه 

اكثر كحل تكلمه عنه بحسابي :) 

لونه بيج على وردي اتوقع نفس لون كحل بنفت 

احبه جوا العين اكثر من البيج لان احس ذا يبان طبيعي اككثر 

والالوان الفاتحه تكبر العين وتخلي شكلهم جممممميل 



وينفع تحت الحاجب بعد 

بس احبه كححل وثابت مععي 

وجو العين اككككثر شي استخدمه هوو 

سعره تقريبا ٣٠ ريال

ودايما اروح ابي اخذ منه ثاني بس ماحصله دايما مخلص :( 

اذا حصلتوه خذوه :( بيعجبكم 

كحل بيج من ريميل 

مو متوفره باسواقنا للاسف 

ككريمي اكثر كحل بيج كريمي جربته 

جربت ماكس فاكتر البيج بس ذا عاجبني اكثر 

وثابت جو العين 

وسعره جدا رخيص بعد 

انا من عند 

@sara_mall

كحل برجوا 

اتوقع الاغلبيه يحبونها 

مع ان اللوانها قليل 

انا جربت هذا والذهبي فيهم لمعه 

استخدمهم على خط الرموش السفليه وادمجه 

ماجربته جوا العين 

"اختي ماتستخدم جوا العين الا هم وتحبهم " 

**ترا فيه ناس مايثبت فيهم الكحل مهما كانت جودته 


برجوا تحصلونها بسنتر بوينت و صيدليه بوتس ووايتس 

باليت الحواجب من ايلف 

تكلمة عنه كثثثثثير واتوقع اللي متابعني كويس بيعرف حبي له :) 


هالفتره ماستخدم الاهو لحواجبي 

يجي واكس وبودر انا اول احط الواكس احس اللون يبان اكثر بعدين البودر

انا ثابت معي ل اخر اليوم 

وتجي معاه فرشه بس جدا فاشللله 

وزي ماقلت ايلف احسن منتجاتهم اشياء الحواجب 

اذا حابه تجربين منهم شي انصحك فيه 

قبل كنت استخدم حق بودي شوب بس بعد ماجربت ذا سحبت على حق بودي شوب 

مسويه عنه ريفيوات ككككثير 

وسعره ٣ دولار ^ـ^ 


ككككل المتاجر يوفرونه الحين 

منهم 

@glamourbeautysa

@ment.of.beauty

@amlufr

هذي متاجر بالرياض وجده ابي بالشرقيه عشان بنات الشرقيه بس ماتعملت للاسف مع تاجره منهم 

او اذا تعرفون تطلبون اطلبو من الموقع 

انا طلبت منهم مره اغلب منتجاتهم مع الشحن كلفني ٣٠٠ بس :) 

كونسيلر ميبلين فيت مي 

كل مايخلص ارجع اشتري منه 

احبه لطلعات السريعه او لنهار

اما اذا وقت طويل او مناسبه ماستخدمه لان هالاتي قويه 

يبي لي شي يثبت ويغطي اكثر 

انا احط قبله كوركتر اورنج عشان يغطي لي


ينفع للي هالاتها خفيفه واذا غامقه وتبي شي لنهار او يومي


بس تحط قبله كوكتر 

ولازم اثبته ببودر عشان مايخطط 



ماذكر سعره بالضبط 

من سنتر بوينت 

اكثر كونسيلر انسئلت عنه :( 

الكونسيلر تغطيته عااليه 

بس عيبه يخطط حتى لو اثبته يخطط مععي

عشان كذا مافضل استخدمه 

بس التغطيه من وسط لعاليه تقريبا 


تحصلونه بالمحلات العااديه

وسعره بال ٣٠ عندي من زمان

مادري باقي نفس السعر او لا

بلشرات ايلف متكلمه عنهم قبل 

بالنسبه لسعرها كويسه لان سعرها ٣ دولار 

بس اذا بتطلبون عشان تجربونهم ماتسوى :) 

فيه كثير بالسوق نفس جودتها مثل ريميل 

انا مجربته بلشرات ريميل  زمان مادري تغيرو ولازي ماهم :) 

ثبات ايلف تقريبا ٣ ساعات 

بس فيهم لون جممممميل 


انا طلبتهم من موقعهم 

شدوات سليك 

سععرها جدا رخيص وجودتها جيده 

اتوقع ب ١١ دولار 

وفيه منها باليتات كثير

وكل باليت اللوانه متنوعه 


وجودتها تعتبر جيده 


بس بلشراتهم الجوده افضل من الشدوات بنظري






*زي ماقلت بالاول فيه منتجات كثير افضل منهم
بس الهدف من هالتدوينه منتجات بسعر كويس وهي جيده وتفي بالغرض