مفضلاتي ٢٠١٤

السلام عليكم 

واخيرا مابغيت لي اسبوع ابي اكتبها 

واجلها لان دسمه شوي :( 

قبل اسبوع كتبت مفضلاتي ٢٠١٤ 

هينا 

http://shoog-blog.blogspot.com/2014/12/2014.html

والحين جا دور الميك اب حبيب البي  

ملاحظين صايره نشيطه بالبلوق :) 

موحابه اكتب ريفيو لكل منتج 

بس نبذه بسيطه لان الاغلبيه متكلمه عنهم قبل كذا 

**الاسعار ماذكرهم للاسف 

المهم نبدا بسم الله :) 

المسكرات جربت كثثثثثثثثثثثر هالسنه درق ستور وهاي اند 

بس افضل ٣ وبرجع اشتريهم 

اول وحده لانكون (doll eyes)

تكلمت عنها قبل كذا 

واتوقع اغلب اللي جربوها يحبونها 

لان تخلي شكل الرمووش جممميل وشكل الفرشه تساعد توصل ل اطراف الرموش

ونهايه الرمش تخليه كذا مقوس ومرفوع 

وتعطيني طول وكثافه جميله 

افضل شي بالنسبه لي هي وبرجع اشتريها اكييد 

حتى اختي تحبها كثير 

واللي مساعد اان تعطي شكل حلو شكل فرشتها 

تحصلونها بباريس قالري وسيفورا ووجوه 

بعدها حقت تو فيسد مع ان اخر مسكره جربتها 

بس حبيتها 

(better than sex ) 

ماكنت افكر اجربها قبل بس طلبت باليت من توفيسد وكانت معاه 

حجم صغير انصدمت منها الحقيقه 

تعطي منظر لرموش حلو بس اللي رموشها مره قصيره وخفيفه 

ماتوقع بتطلع حلوه عليها 

بعدها مسكره سماش بوكس 

(full exposure)

بعد كان عندي الحجم الصغير ورجعت اخذ الكبير منها 

تعطيني كثاافه جمميله ولان رموشي تحتاج كثافه 

بس اشوف كثير مايحبونها عشان ماتنشف بسرعه ومرات تحوس شوي 

بس انا احبها لان تعطيني الكثافه اللي احتاجها 

انا اخذتها من دبي 

والحين صار عندنا متوفر سماش بوكس بس مو متاكده وين 

برونز شانيل 

كاتبه عنه تدويينه كامله هينا 

http://shoog-blog.blogspot.com/2014/10/chanel-universal-bronzer.html

عشان كذا مراح اكتب مره ثانيه ادخلو الرابط تحصلون :) 

برونز لاقونا 

من نارس 

من زماااان هو فيه وعليه ضجه بس ماجربته الا هالسنه 

وحبيته كثير مع ان فيه لمعه بسيطه بس على الوجه ماتبان 

لوون ينفع برونز وكنتوور 

واحلى شي فيه يندمج بسهووووله وتركيبته ناعممممممه 

ولونه يبان طبيعععي على الوجه عشان كذا احبه كثير 

واكثر برونز جربته ثابت 

برونز مارك جوكبس اللي عندي درجه ١٠٢

حجمه كبييييييييير بيجلس دهر ماخلص :) 

احب اللي كذا :) 

ينفع للبنات اللي يبون برونز بس مو غامق كذا لون خفيف 

لان مو غامق مره

وثباته كويس 

تحصلوونه بسيفورا 

اضائه بوبي براون 

كاتبه عنها ريفيو قبل كم يوم بالنسقترام 

كثثثثير احبها لان ٥ اللوان اما استخدم كل لون لحال او ادمجهم 

انا افضل ادمجهم 

تعطي لون جممممممممممميل وتنفع كابلشر او اضائه لتحت الحاجب بس ماجربتها للتحت الحاجب او شدو

وثباتها كوويس 

ودي اوصف اللون بس صعب هههههه 

جربوها بالمحل او شوفو  باليوتيوب :) 

بالرياض تحصلونها بهارفي نكلز 

بلشرات نارس 

من زمان ممجربتهم بس هالدرجتين 

تعور القلب 

(oasis ) 

لونها يجلط صدق كثير سئلوني عنها ان ايش حاطه بلشر 

وفيها قلتر ومتكلمه عنه قبل 

لونه يعطي دفا للبشره :) 

وبلشرات نارس مايحتاج اتكلم عن ثباتهم 

ثابتين صدق 

الدرجه الثانيه اورقزام الشهير 

قبل جربت البلشر الكرييمي لنفس الدرجه 

ماحبيته وكنت استغرب كيف هالعالم تحب الهدرجه 

بس من جربت البلشر العادي 

اللون جممممميل ودرجته قريبه من ذا بالم هوت ماما 

بس هو جاي على شوي وردي والقلتر اكبر شوي

هوت ماما على مشمشي والقلتر انعم 

هالبلشرين حقات نارس اذا ماتحبون البلشر بقلتر مراح تحبونهم 

لان بقلتر 

متوفره بدبي بس او تطلبونها اون لاين 

بلشر ماك جنجرلي 

متكلمه عنننه كثييييير تحصلون بالنستقرام بهشتاق #shoog_blog

نجي لشدوات 

باليت لوراك برو 

انا بالحقيقه انصدمت بالجوده حسيت مضحوك علي بنيكد ههههههه 

بس نيكد الاحب الاولي مهما كان احبهم 

المهم ان الشدوات قويييه وتبان بسرعه وثابته 

بس عيبها تتناثر كثيير 

بس اللون بلمسه يبان والاحسن شي 

الباليت فيه ٨ مات و٨ شيمر 

افكر اجرب باليتات ثانيه منهم لان الجوده تستاهل 

شدوات ذا بالم 

الشدوات ناااااعمه لاقالو زبده فاهي صدق زبده :) 

لسى ماجربت شدوات بهالسلاسه تندمج معيي بسرعههه 

جربت ٣ باليتات واحد منهم جديد لسى مادري عنه 

بس الا ٢ تستاهل 

وقبل قلت لكم بالنسبه لي لوراك وذا بالم افضل من نيكد بالجوده 

واسعارهم متقاربه كلهم 

ولوراك وذا بالم مومتوفره عندنا للاسف 

فاونديشون دولتشي اند قابنا هو والبودره حقتهم 

ترا ماودي اتكلم عنهم كثير لان ابي اكتب تدوينه لحالهم :( 

اذا تبون فاونديشون وبودره للمناسبات انصحكم فيها جممميلين 

التغطيه عاليه وجمميل على البشره 

الفاونديشون فيه منه نوعين ذا ومات 

والبودره اذا عندي فاونديشون تغطيه خفيفه وابي اكثر تغطيه 

احط منها :)

برايمر سماش بوكس *صورته سقطت سهوا 

بودرة بنفت 

اتوقع اكثر منتجين تكلمت عنهم 

واخرها بالتودينه اللي قبل ذي 

**مفروض اخذ من الشركتين نسبه عليهم :)

كونسيلر نارس 

وصلني واحد هديه من متجر حاطه حسابهم بالنستقرام 

تغطيته جمميله ومايخطط ومايتحرك من مكانه :) 

وكان نفس لوني بالضبط 

لما رحت دبي اخذت افتح منه عشان اذا ابي افتح تحت عيني 

اللي هالاتها وسط وقويه بتحبه بس لازم كوكتر قبله لان يقلب رمادي

كونسيلر لومارسييه 

شفتو لاقالو تغطيته صدقيه من قلببببب 

بس عيبه اي نقطه زياده يكتتتتتتتل 

لان ثقيل ثقيل 

ماينفع الامناسبات كبيره 

بس استخدم نقططططه يكفي اي نتفه زياده يحوس الدنيا 

بس التغطيه لايعلى عليها :) 

اخذته من دبي بعد 

محدد الشفايف من اربن ديكاي 

اقتصادي :) 

بدال ماشتري لكل روج محدد نفس اللون 

هذا ريحني شفاف واهم شي مو ناشف 

روج من نارس مجموعتهم الجديده 

انا احب هالنوعيه من الارواج 

يعطي الشكل مات بس ماحس ان حاطه روج مات 

يارب وصلت الفكره هههههه 

 درجته anita

ولونه ينفع لكل وقت 

 

ارواج وايد اند وايلد

كاتبه تدوينه مع سواتش هينا 

http://shoog-blog.blogspot.com/2014/08/blog-post_19.html