ريفيو فاونديشون وكونسيلر نارس

السلام عليكم 

مساء الخير 

اليوم حابه اكتب ريفيو عن منتجاين حابتهم كثير ، ومن مفضلاتي ل هالفتره ،فاونديشون وكونسيلر نارس 

فاونديشون نارس

  "Sheer Glow Foundation"

نبذه عن المنتج 

واصفينه بالموقع ،يجعل البشره رطبه ومضيئه ،التغطيه من خفيفه ل متوسطه،يناسب البشرات الجافه والعاديه .

::

كمية المنتج 30ml

تاريخ انتهائه من الفتح ٢٤ شهر وحابه هالنقطه 

يعني بخلطه وهو مانتهى :) 




رايي عنه:
انا اخذته لما شفت البلوقر وفا تتكلم عنه واانا بشرتي زي بشرتها، حابته لان نفس المميزات اللي احبهاا تكون بالفاونديشون ،تغطيته وسط تقريبا واقدر اتحكم بالتغطيه اما خفيفه او ثقيله ، مع ان كاتبين ان تغطيته خفيفه ، ثابت معي لفترره طووويله ولايتاكسد بعض الفاونديشونات مع الوقت تتاكسد ، مع ان بشرتي مختلطه بس مايدهن بس اذا حر او اذا اليوم اتحرك كثير وعندي شغل يدهن فااذا دهن احط عليه بودر بنفت لان ماتكتل وخفيفه ، يعطي اضائه حلوه للبشره وحابه
اضائته كثييير ، وحابته لان مميزات نفس ما احب بس فيه عيب الغطا حقه يقهر :( 

وكل الريفيوات اللي قريتها عنه كارهين فيه الغطا 

وهذا العيب الوحيد اللي اشوفه فيه 

انصح فيه :

اذا مميزات زي ماتحبين اي 



سواتش:

اليمين دامجته على يدي اليسار مدري ليش كذا اتوقع من الاضائه

اماكن تواجده وسعره:


انا اخذته من سيفورا دبي 

وللاسف الخليج بس بدبي 

او تطلبونه اون لاين 

سعره ٢١٥ درهم 














كونسيلر نارس

"Radiant Creamy Concealer"

نبذه عن المنتج:


خفيف الوزن ،التغطيه يمكن البناء عليها اكثر من طبقه، ترطيب ، تغطية علامات التعب والخطوط الدقيقه 






رايي عنه :

الكونسيللر وصلني قبل من@peony_beauty ولما حبيت تغطيته رحت اخذت درجه افتح لان كان نفس لوني تقريبا بس كنت ابي افتح عشان يعطيني اضائه،تغطيه اشوف ان وسط ،انا عندي هالات احط كوركتر اول بعدين الكونسيلر واطبطب باصبعي بعدين بالبيوتي بلندر كذا بتكون التغطيه اعلى ، يغطي لي الهالات ومايقلب رمادي مع الوقت ولايكتل بس استناه ينشف شوي واحط عليه اللوس بودر اي كونسيلر بالدنيا اذا على طول حطيتو لوس بودر يتكتل لازم تستنون شوي ، يعطي اضائه لتحت العيين لان ماخذه افتح بدرجه ،جد جد حابته وطووووول هالفتره ماستخدم الاهو ،بالعاده الكونسيلرات اللي نفس تغطيته تكوون ثقيله وصعبه بالدمج عكس هذا ، سهل بالدمج معي واهمم نقطه ماينشف معي واانا ادمجه وكل ماخلص برجع اشتريه اكيد .

والمميزات حقته نفففس ماحب 



العيوب :

احس كميته قليله :( 

**بنت خالتي جربت حقي نارس وهي دايما تقول لي عن كونسيلر شانيل 
ان تحبه لما جربت هذا قالت نفس كونسيلر شانيل المشكله ناسيه اسم الكوونسيلر 



سواتش للكونسيلر:

يمين درجه :custard
ويسار درجة:ginger

اماكن تواجده والسعر:

اول مره وصلني من@peony_beauty

الثاني اخذته من سيفورا دبي 


وسعره بسيفورا اتوقع ١٥٠ 




وبكذا خلصلت الريفيو وان شاء الله استفدتو منه