منتجات الحواجب

السلام عليكم 

صباحكم / مسائكم 

خير 

منتجات الحواجب اللي جربتهم 

وريفيو عنهم 

بالنسبه لي لازانت الحواجب زان اليوم ههههههه 

اهم شي يكون شكلهم طبيعي اما كلها بالجل او التاتو ابددد 

ترا يطلع الشكل مو حلو وكان شريره :( 

كل ماكانت طبيعي كان اجمل والشكل انعم 

تخيلو وحده حاطه ميك اب خفففيف وحواجبها بالتاتو ومحدده 

ابد مو حلوو 

بقول لكم طريقة رسمي للحواجبي واخر التدوينه بحط لكم فديو 

ارسم انا ببودرة الحواجب وبالتاتو 

اول الحواجب كلها بالبودره والنهايه تاتو لان ارسم على الجلد فااالبودره مراح تثبت 

بفرشه ماك ٢٦٦ اخذ بالبودر واعبيه الحواجب كلها الا 

بدايه الحواجب ارسم خط من تحت ثم ادمجه لفوق 

عشان مايكون اللون ثقيل ومرسوم بحده 

فايبان طبيعي اكثرر 

ونهايه الحواجب اخذ التاتو وبشكل مرررررره خفيف 

عشان مايبان ثقيل يبين مررره طبيعي 

بعدين بمسكره الحواجب 

نبدا بريفيو عن اللي جربتهم 

ببدا ببودرات الحواجب بالافضليه" بالنسبه لي "

مع ان ماحب افضل او الافضليه بس اكثر شي اثق فيه 

من اربن ديكاي 

'the brow box'

متكلمه عنه قبل هينا بالمدونه 

نبذه عن المنتج:

علبه انيق فيها لونين بودره وواكس العلبه دورين فوق البودره والواكس 

تحت فرشتين وملقط فيها مرايتين 

البودره كميتها '2g' 

 الواكس '1.6 g'

المميزات :

- عمليه لان كل شي للحواجب فيها 

- مناسبه لسفر 

- اللون غنني 

- فيها لونين للبودره 

- ومرايه بنفس حجم العلبه

- فرشتين 

العيوب:

ماشوف فيها عيب 

رااي عنها : 

اكثر منتج للحواجب حبيته لان كل شي للحواجب احتاجه فيه فا دايما بالسفر معي 

والبودر لونها غنيي ومن مسحه يكفي وثباتها عالي احطهها من اول اليوم وتبقى معي احط اول الواكس بعدين البودره والبودره لونين مرات استخدم الفاتح اول الحاجب عشان يبان طبيعي اكثر وادمجه كويس بالفرشه

والعلبه انيقه:) 

سواتش :

اليمين الفاتح (اول سواتش بدون واكس اليسار قبله واكس)

اليسار الغامق (اول سواتش بدون واللي بعده قبله واكس)

اماكن توفرها:

سيفورا 

السعر :

ماذكر للاسف بس ١٠٠ وشي 

بودره الحواجب من ذا بام

نبذه عن المنتج:

بس بودره لحالها كمية البودره كويسه " 85g"

متوفره منها كم درجه 

*هالفتره ماستخدم الاهو لان كذا وحده حابه اتكلم عنه بس ممكن يتغير رايي مع الوقت او اذا جربته غيره 

المميزات:

-اللون غني

- كميته اشوفها مره كويسه

-العلبه كيييوت :) 

العيوب :

- ان بودر لحاله بدون واكس او فرشه 

رايي عنها :

ما كانت ابد افكر اجربها بس من كثر ماانسئل عنه قررت اجربه :) 

الصدق ماتوقعتها كذا ابدا اللون غنني وثباتها كويس اشوف قريب من اربن ديكاي بالثبات ومبدئي حابتها

سواتش :

اماكن الشراء :

بالسعوديه مو متوفره ذا بالم

انا من عند هالمتجر @glamourbeautysa 

السعر:

٧٠ ريال 

باليت ايلف 

نبذه عن المنتج:

منه ٣ درجات يجي بودره و واكس وفرشه كمية المنتج ماعرف للاسف بس اشوف كميتها كويسه بالنظر:(

المميزات:

- سعرها جدا رخيص 

- فيها واكس وبودره وفرشه 

-اللون يبان معي 

العيوب :

- فرق بين لون الواكس والبودره

- لون البوودرات فاتحه:) جربت الدارك فاتحه 

- بسرعه يتكسر 

- الفرشه اللي معاه ممو كويسه 

رايي  عن المنتج:

على ان عيوبه اكثر من مميزاته الا ان احبه ودايما اذا قالو بنطلب من ايلف اقول جربو بودره الحواجب هي مو واووو بس بالنسبه لسعرها جيده وتنفع للاستخدام اليومي واحط الواكس بعدين البوده وتثبت معي كويس 

انصحها فيها اذا تبون شي سعره وجوده كويسه للاستخدام اليومي 

اليمين دارك اليسار ميديم 

سواتش:

اليمين الميديم ( البودر لحاله بعده الواكس لحاله اللي بعده واكس وفوقه بودر)

اليسار الدارك نفسه بودر بعدين واكس بعدين واكس وبودر

اماكن الشراء:

تحصلونه بموقعهم ، او من التاجرات 

سعره:

انا طلبت من موقعهم ب ٣ دولار 

وعند التاجرات من ٣٠ ل ٣٥ سعره 

التاجرات اللي يوفرونه 

@ment.of.beauty

@glamourbeautysa

ذولي متجرين واحد بالرياض وواحد بجده 

تاتو الحواحب 

تاتو ميك اب فور ايفر 

الحب :) 

كثير اتكلم عنه واللي متابعتني كويس بتعرف ان احبه 

بس ترا نتفه نتفه منه يكفيي 

شوفو كيف استخدمه كذا اضغطه شوووي وبالفرشه اخذ 

يطلع خففيف وطبيعي 

مميزاته:

- كميته كبيره له سنه وشي عندي ماخلص :) 

- ثابت 

- فيه منه اللوان كثير 

العيوب 

- سعره كل شوي يرفعونه :( 

رايي عنه:

مره احبه واهم شي مع النقاب مايروح :) عندي منه درجتين ٣٠ و ٤٠ 

٤٠ لونه اسود :( مكتوب على الكرتون درجة ٣٠ ومافتحته على طول 

وبعد اسبوعين من شريته فتحته الا اسود عورني قلبي :( 

واول ماقرب يخلص حقي رحت شريت منه بس برجع اخذ نفس اللون اللي يناسبني ومع الحر والنقاب يبقى زي ماهو 

وهذا سواتش له :

هذا سواتش اليمين درجه ٣٠ شايفين اليسار كيف فاتح وطبيعي لان استخدمه زي ماقلت لكم شووي 

اليسار درجه ٤٠ 

اماكن الشراء:

باريس قاالري ، سيفورا ، وجوه 

سعره:

اخر مره كان ٢٢٠ :) 

المسكرات بتكلم عنهم بالتدوينه الجايه