مفضلاتي

السلام عليكم 

بوست اليوم عن مفضلاتي لشهر اللي فات 

مقشر فرنك جربت نوعين ،اليمين بالكاكاو غني بمواد الاكسده ، مكوناته الكاكو،وزيت المكاديميا ، يرطب البشره ويعالج الجلد التالف 

اليسار من اهم مكوناته القهوه،زيت اللوز،قشر البرتقال،المعادن ،الفيتامينات  ،الدوالي ،السوليت،علامات تمدد الجلد،حب الشباب،الاكزيميا،الصدفيه ،الدوالي

تنعيم وترطيب البشره 

هذا الكلام المعروف عن هالنوعين 

اما بالنسبه لي ،يعطي نعوووومه جمممممميله مايحتاج بعد ارطب بشرتي لان احب النعومه حقته ،شفتو اذا حطيتو زيت جلسرين بعدين تسبحتو كيف احساس النعومه :) هو كذذا ،بس الكلام اللي حاطين ان يعالج اتوقع لسى يبي لي وقت عشان اشوف ، بس اختي بيدها اكزيميا ،ودايما اذا حطت مقشر ماتقدر على طول تغسله بس هذا ارتحت له ، بس اكره فيه ريحته ماحبيتها :( احس قويه شوي 

بس كا مقشر ونعومه بطل ،وحابه تقشيره كثير عشان كذا من المفضلات عندي 

طلبته من تاجره هي ارخص وحده حصلتها توفره 

BEAUTYOCARE هذا حسابها بالنستقرام 

صابون مغربي 

دخلت نزيه ،حصلته قدامي ،قلت اجربه دام اللي عندي مخلص ،حبيتها كثير احس ينظف من قلب :) له عندي تقريبا اكثر من شهرين ، جربت انواع كثير من الصابون المغربي بس الصدق هذا كان افضلهم ،بالعاده امي تجيب لي من عند العطار 

اخذته من نزيه وسعره 10 ريال ^ـ^

وترا الحمام المغربي جدا جدا جدا مهم يفتح ويوحد لون البشره،وبشرتك تبقى جميله دايما ،اانا اسوي مره بالشهر ، وانا اسوي لنفسي ،ترا سهل مايبي له شي ،اسهل طريقه اسويها ابلل جسمي بمويا حاره اهم شي الحراره اللي تتحملها بشرتي ، بعدها افرررد الصابون واخليها من 5 ل 10 دقايق ،بعدها افرك بالليفه 

ماسك الشوكلاته 

مع ان لسى جديد بس حااااابته بشكل جربته وجربت اللي زيه بالزبادي احسه عادي ويمكن مع الاستخدام الاكثر يبان  ، بس حابه هذا اكثر اصلن على طول بعد ماغسلته ،يعطي نظااااره ،حتى اهلي لاحظوو ،كثييير حابته ،هو يقلل من ظهور التجاعيد ، بس حابه النظاره اللي يعطينيها ، صرت اذا بحط ميك اب لازم احطه قبل :) ،بس ماحبيت ريحته :( ترا انا عندي مشكله مع المنتجات اللي فيها ريحه

انا طلبته من متجر NADA3478

من زماااان وانا اشتريهمم بذات اللي باللافندر من كنت بالمتوسط وانا اخذه 

*اصلن كل شي باللافندر جميل  اعطر فيهم غرفتي ومخصصه واحد بريحه الورد لحمامي عزكم الله ، ريحتهم مو القويه اللي تصدع لا احس عاديه ومو هاديه الهاديه الفانليا اللي يمين بختين يكفي حتى اهلي اللي يمر غرفتي قبل يدخل يشمون الريحه :) اانا دايمممما لافندر ماقد جربت غيره بس اخر مره اخذت اللي بالفانليا والورد اتوقع حابه الفانليا اكثر لان ريحته هااااديه 

اخذتهم من سنتر بوينت وسعرهم 29 ريال

العطر اصلن من زمان حاطته ببالي ان بشتريه ، بس عطوري مرررره كثيره ، فا حاطه بمخي اول مايخلص واحد منهم بشتري ذا بس وصلني هديه :) 

انا اميل للعطور الهاديه ، وهذا هااادي جمممممممميل ،للاسف مراح اقدر اوصف الريحه ،بس الاشياء اللي ادورها باي عطر ابيه فيه ، جدا هادي وجميل جميل جميل ، انا وصلني من قولدن سنت ، بتكلم لكم عن هالموقع شوي ،يوفر لكم عطور اصليه ،واسعارهم كويسه ، شوفو موقعهم بتحصلون اي عطر تبونه ، بس اذا خايفين عشان الريحه ، روحو للمحل وشمو العطوراات اللي حطيتوها باللسته اول 

وهذا موقعهم 

http://goldenscent.com

morocco orchid مجموعه 

المجموعه اخذتها على مدح بعض البنات بالنستقرام ،وطلعت جد حلوه ،حتى عجبت امي واخذت منها ، احس اصعب شي توصيف الروائح :( ،اذا رحتو باث اند بودي وركس شموها شوفو زي جوكم او لا ، انا اشوف مجموعاتهم حلوه ،وثباتها يعتبر وسط ،بس مرتاحه عليهم كثثثثير ،اكثر من حقات بودي شوب 

الاسعار اخذتهم وقت التخفيظ فا كانو من ٢٠ ل ٢٥ مو متذكره بالضبط وفيه سبري بس سقط سهوا 

فرشه ريل تكينيك "expert face brush '

هالفرشه بالنسبه لي صارت من افضضضل الفرش اللي عندي ، وغطت على كل فرش الفاونديشون اللي استخدمهم ،اول شي حجمها مناسب ان الفاونديشون يوصل لكل مكان ،والفرشه ناعمه،انا احب سيقما اف ثمانين كثيييير بس عيبها ماتوصل الفاوندديشون للاماكن كلها لازم اعيد او بفرشه اصغر ،هذي بدال ماستخدم فرشه ثانيه او اعيد على المكان خلاص كفتني ، وتدمج لي الفاونديشون كوييس ،وحجمها مناسب للكننتور والبلاشر بس ماجربتها لهم ، بالنسبه لي اشوف فرش ريل تكينك فرش الوجه مافيه زيها ،وصارت افضل من ماركات اغلى منها ،بالجوده ودمجها للمنتج ، وهالفرشه من اول استخدام وانا حاببتها ،اصلن انصدمت منها اول شي ان تدمج لييي كويس . 

تحصلونها عند glamourbeautysa

بودرة سكسي ماما من ذا بالم 

البودره شفافه،تناسب البشرات المختلطه والدهنيه ،انا افضل البودرات الشفافه ،لان توفر علي وقت اجلس احوس علي لوني ،ومرات البشره تصير اغمق او تفتح البشره ف الشفافه اشوفها توفر علي كثير بالحوسه ،انا بشرتي مختلطه ودايما احرص احط برايمر عشان بشرتي مادهن والفاونديشون يكون مناسبب لبشرتي والبودره كلهم يكملون بعض ، اللي حبيته فيها ان خفيفففه ،مرات بعض البودرات تحصون الوجه مكتوووم ،غير كذا ماتعطي منظر مغبر او كيكي لان هالمنظر يطلع مع اختيار الدرجه الغلط ف لان شفافه حاله مشاكل كثير :) بالنسبه لي كثير حبيتها ومرتاحه لها 

منglamourbeautysa

بودره الحواجب من ريميل 

اخذتها لان ودي احصل شي عندنا متوفر ،جودته كويس وسعره كويس ، والحمد لله حصلتها بهالمنتج ، جل وبودره للحواجب يجي ب ٣ درجات انا اخذت اغمق درجه ، البودر تبان معي بسرعه وثباتها جدا عالي اجلس فيها طول اليوم وتبقى زي ماهي ،الصدق ماتوقت بهالنتيجه ، حتى اي وحده ودها ببودره حواجب على طول اقول جربوها ،واخذه مسكرة الحواجب حقتهم بس ماحبيتها مره ،يبي لي اجربها اكثر 

اخذتها من بوتس ماذكر سعرها بالضبط بس كان اقل من ٥٠ 

اي لينر من بي اتش

انا احب هالنوع من الاي لينر ،لان سهل واذا مستعجله اسوي فيه بس بالعاده اللي كذا سوادهم مو مره ، هذا اسود اسووود ،حتى اختي اعجبتها كثيير ، كثير حابته بس فيه عيب مرات اشوفه عيب مرات اشوف ان شي كويس ،اشوفه مو حلو اذا جيت امسح المكياج اااا يالله يروح ثااااابت ،حابه هالنقطه ليوم طويل بس اجي امسحه اكرره هالشي :( انا استخدم مزيل مكياج لوريال يبي لي كم مره عشان يروح كله :( ،وسعررره جدا جدا رخيص 

من متجرglamourbeautysa وسعره ٢٠ ريال 

تاتو فوراسيه 

التاتو ماينفع لكل الحواجب ابد بيطلع الشكل مو حلو ، انا استخدمه لنهايه الحواجب بس عشان اعدل رسمتهم ، التاتو جدا ثاااابت حتى مع النقاب يبقى :) ، ويبقى ل اخر اليوم ، اشوف ان تقريبا بديل لميك اب فور ايفر لان كل شوي رافعين سعره :( 

من متجر angel_f_shop وسعره ٤٥ ريال 

هالشمعتين حابتهم كثثثير اليمين من اول ماشريتها وانا حابتها اخذتها من باث اند بودي وركس ، واليسار من سنتر بوينت 

ريحتها تحسوون روقاااان 

اسعارهم باث اند بودي وركس ٩٥ ريال 

سنتر بويت ٤٥ 

برونز chocolate soleil 

البرونز مع بوكس كولكشن الهوالدي اتوقع ، ريحته لذيذذذذه اصلن صرت اول مافتحه لازم اشمه ريحه شوكلاته ، ولونه جدا جمميل ، واللون يبان معي بسرعه ، وثباتها كوويس ، ماراح تحصلون نفس المجموعه بس البرونز اتوقع موجود لحاله ، انا اول مره اجرب منهم شي وهالبوكس خلاني اجرب اشياء كثير منهم احب اطلب الكولكشنات حقة الاعياد تخليني اجرب منتجات كثير وحجمها مناسب ، وسعرها مناسب بعد ف اللي يعجبني اخذ منه حجمه الطبيعي :) 

انا طلبته من سيفورا بس ماذكر سعره 

بيس للاي شدو من كوستال 

البيس ماكنت حاطه ببالي ان بجربه اببببدا ، بس شريت عرض من كوستال وجا معاهم ، من زمااان ترا عندي بس مافتحته الا من شهرين ، لان ابد ماتوقعت حلو ، بس انصدمت منه يثبت لي الشدو كويس ، واهم شي بالنسبه لي ماخلي جفني يدهن ، وهذي اتوقع مشكله عند بعض البنات ، بيس ماك احببه كثير بس يدهن بجفني صرت لازم احط بعده لوس بودر عشان مايدهن ، هذا حل لي المشكله ، وكميته كووويسه ومو كريمي ولاسائل جاي بالنص زي قوام اربن ديكاي ، اللي حابه بيس للشدو وسعره معقول انصحها فيه 

جهاز لونا 

يبي لي وقت اكثر عشان اتكلم عنها اكثر ، بس ك رايي المبدئي حابتها عشان الممميزات اللي فيها ، ماتحتاج اغير فرشه ، كلرسونك كويسه بس عيبها كل ٣ شهور لازم اغير الفرشه والفرشه سعرها ١٢٠ والجهاز ب ١٢٠٠ اذا بشتري جهاز ب ١٢٠٠ مفروض مايحتاج تغيير فرش المهم نرجع ل لونا ، حجمها صغير ماتاخد مساحه ، واهم شي مايخلص شحنها بسرعه اذا شحنتها اجلس استخدمها ٣٠٠ مره عشان يخلص الشحن ، مصنوعه من السيلكون ف هذا شي احسن للبشره لان اقل عرضه للجراثيم والبكتيريا ، ف عشان حابتها لان مميزتها كويسه وجالسه استخدمها كل يوم وماسببت لي حبوب ولا شي 

بس بعد فتره بكتب عنها بالتفصل اكثر  

وبكذا خلصت مفضلاتي ، قولو لي مفضلاتكم + ترا تعليقاتكم تسعدني :)