السلام عليكم
بوست اليوم عن باليت من اربن ديكاي
NAKED ON THE RUN
الباليت حجمه صغير ومناسب لسفر ، فيه مسكره ، وقلوس، وكحل بنفسجي ،و5 درجات شدو 2 منهم مات ،وبلشر وبرونز ،واضائه ،بنظري اشوف ان ابدعو فيه لان متكامل لسفر او للوك تقريبا،واللوان الشدو تنفع ل استخدام يومي اما لصباح او للمساء ،لان الدرجات اللي فيه تعتبر اساسيه ،لصباح استخدم الدرجيتن المطفيه او ابي اذا لوك طبيعي اكثر ، كلهم درجات البني الا درجه وردي ،والشدوات بقمنت مسحه تبان بسرعه ،واساسا معروفه اربن ديكاي بشدواتهم ،وثباتهم جدا عالي بس ماجربتهم بدون برايمر ، وكميتهم كويسه ،لان كثير الباليتات اللي كذا مخصصه لسفر يكون كميه الشدو قليلله هذا لا كميته كووويسه .
سواتش للشدوات
البلشر والببرونز ماحبيتهم اللوانهم كثير احس يناسبون البشرات الفااااتحه مره ، والبروونز جاي شوي على اورنج وانا ماحب البرونز اللي كذا ،البلشر ماتجرا احط بلشرات هالالوان لان تناسب البشرات اللي مره فاتحه ، الاضائه تركيبتها جدددددا ناعمه وانا انبسط علي اي منتج كذا تركيبته :) ، واضائتها جدا جدا هاديه .
سواتش لهم
مسكره PERVERSION
كاتبين عنها بموقعهم انها ماسكارا تحتوي Hairdensyl، وهو مزيج،من البروتينات والأحماض الأمينية، بما في ذلك الجليكوجين البحرية، والمعروف لتحفيز نمو الرموش.
حجمها كويس بالعاده اللي مع البالتات مرتين وتخلص ههههه لاصدق زعنونااات زي لا حجمها كويس،ثاني مسكره اجربها من اربن ديكاي ، اول مسكره جربتها لاش لاش وكثييير احبها وتكلمت عنها كثيير بحسابي ومن اول مافتحت حسابي واانا اتكلم عنها :)،وكل ماخلصت ارجع اشتري منها ،وهالمسكره بالنسبه لي حبيتها تعطي طول وكثافه بس كثافه اكثر وسوادها جميل ،واحط تقريبا ٣ طبقات او ثنتين وماتكتل بالنسبه لي حابتها كثير.
بالنسبه للقلوس والكحل
اكحالهم اتوقع اللي متابعيني كويس يعرفون قد ايش احبهم ، من زماااان ماشتري الاهم وعندي كل الالوان منهم تقريبا،واللون اللي بالباليت عندي منه ،احسن شي بالماركه يحطون اكحال باحجام صغيره ببوكس عشان نجربهم وسعرهم يكون كويس ،اول مره جربتهم كذا ومررره عجبوني لان كريمنين وكانو درجاتهم البني والنحاسي وبعدها لقيت مسوين عرض بسيفورا بس مو حقنا طبعا اكحال باحجام كبيره ببوكس واخذتهم اذا شفتو عروض كذا ماقدر اطوفها :) طلعت شوي عن الريفيو ، اكحالهم كررريميه وانا احب كذا لان ارسم فيهم على خط الرموش السفلييييه ويندمجون معي بسهوله عشان كذا حابتهم كثثثثثير استخدمهم كذا اكثر من جوا العين .
القلوس انا احب القلوس بس دايما ماحصل قولس زي ماحب دايما ينرفزون ويلزقون بس مجموعه ديور اللي نزلوها اللي ارواج على اشكال قلوس كانو تمام مايلزقون ، ولما جربت ذا نفس اللي احب ولونه راااايق ينفع لكل وقت وهاللون اتوقع الكل يحبه .
سواتش لقلوس والكحل
تدرون شي ماله دخل بالريفيو بس يدي اليسار فيها حساسيه :( ولما اسوي سواتش اااااا ماسوي الا باليسار عشان اقدر اصور باليمين فامن كثر ماياذيني الميك اب بيدي تتجرح :( :( :( >>>من قلب الحدث
بالنهايه الباليت احبه واشوفه عملي بس عتبي علىى البلشر والبرونز لو كانو اللوانهم غير بيكون افضل
سعره بموقعهم 54 دولار
واربن ديكاي متوفره بسيفورا عندنا بس مو متاكده هذا موجود او لا
مره جميل ومتحمسة له ودورت عليه ماحصلته 😭
ردحذفوالشدو اروع الالوان توفقوا بالاختيار
تتهنين ي رب
ايش الجمال هذا دخل قلبي وافكر اشترية احسة يناسب سفراتنا المفاجئة اخذة هو يكفي يعطيك العافية عالتقرير الجميل
ردحذفجماااال ='( تعبنا مع الشركات كل فترة يطلعون بباليت أحلى من الثاني
ردحذفربي يعطيج العافية على الموضوع عزيزتي ^ ^
جربي تدمجين البرونز والبلاشر بيطلع لونه حلو 😍👌
ردحذف