منتجات خلصتها

السلام عليكم 

مشتاقه للبلوق من زمااان ماكتبت فيه :( 

اليوم حبيت اتكلم عن المنتجات اللي خلصتهم الفتره اللي راحت ،المنتجات 

منتجات عنايه  

ال ٣ شهور اللي راحو المجموعه اللي استخدمها لبشرتي من اوز ناتشورالز

هالماركه حبيتهم من بعد السيروم حقهم تكلمه عنه قبل بالمدونه ،ولان عجبني وخلصت منه علبتين  حبيت تكون كل مجموعه وتكون عنايتي من نفس الشركه 

جربت الغسول والتونر والمرطب 

الغسول جربت هذا اللي بفيتامين سي مفروض انه يفتح البشره ويوحد اللون 

انا الحمدلله بشرتي مافيها مشاكل شوي مسام وتصبغ خفيف ف اخترت هالغسول عشان يوحد لي اللون بس للاسف ماشفت اي نتيجه:( لاتوحيد ولاتفتيح وسعره تقريبا غالي فيه غسولات كثير بتسوي نفس مفعوله اللي هو تنضيف بشره بس بدون معالجه البشره وبسعر اقل بكثيييير،هذا انا بشرتي تمام ماحبيته اللي بشرتها تعبانه مراح تستفيد منه بشي :( كثير استخدمت غسولات بس كذا تنظف البشره بس تعطي نظاره تسوي شي للبشره يخليني استمر على الغسول :( هذا ابدا بس استخدمه عشان يخلص مع ان كميته كبيره جلس عندي ٣ شهور تقريبا وانا استخدمه مرتين باليوم ،شفت عنه ريفيوات كثيير حابينه بس انا ابدا ماحبيته مافكر ابدا ارجع اشتري وهو معروف ان من بشره ل بشره يفرق 

التونر

هالتونر مكون من المعادن العضويه وفيتامين سي 

ريحته جدا جدا جدا سيئه :( ماقدرت استمر عليه من ريحته 

ماخلصته بس حبيت اتكلم عنه مع المجموعه مادري المشكله باللي عندي او كلهم كذا ريحته سيئه :( شفتو الماسكات القددديمه اللي بالطين :) هو ككذا ريحته 

التونر انا افضل اللي من اي هيرب او ماء ورد 

مرطب البشره

حبيت المرطب لان يرطب لي بشرتي بدون ماادهن او ادبق ،واستخدمه قبل الميك اب بعد بس ماغير اي شي ببشرتي زي ماهي 

رائي عن المجموعه كلها مراح ارجع اشتريها لان اشوف ماتسوى ادفع تقريبا ٥٠٠ عليهم وهي بس تنظيف بدون ماتعالج بشرتي بنفس المبلغ بشرتي مجموعه ثانيه تنظف وتعالج بشرتي بنفس الوقت او تعطيها نظاره وتسوي فرق بالبشره ،زي ماقلت قبل من بشره ل بشره يفرق وسعر كل منتج تقريبا يوصل ٢٠٠ ف فيه منتجات كثيره من نفس السعر بتغير بشرتي عشان كذا ماحبيتها 

شاورجل
اخذتهم من بوتس دبي مانزلو عندنا للاسف 
جربت كل الانواع وكلهم خلصتهم وذولي اخر نوعين ،ماستخدمهم ك شاور جل ، احب احطهم اذا حبيت ادلل نفسي وعبيت البانيو احط منهم يخلي المويا كلها رغوه وريحتهم ج م ي ل ه :) فيه بالكرامل وفيه بالمارشملو او فراوله ، سعرهم مره رخيص ي ٢٠ درهم او ٢٥ والعلبه كبييييره ترا لها سنه عندي :)  اتوقع لو استخدمهم شاور جل بتجلس اكثر من ٣ شهور لان حجمهم كبير 

شامبو وبلسم جوز الهند
صاير فيني حب للمنتجات العضويه ، خالي من البارابين والغلوتين وسولفت لوريث الصوديم عشان كذا اكون مرتاحه وانا استخدمهم :) لاحظت الشامبوات العضويه اذا استخدمهم بدون البلسم تنشف الشعر :( ف مهم جدا تاخذون البلسم ،المجموعه حابتهم ،ومرتاحه عليهم من نفس الماركه فيه انواع حابه اجرب شي ثاني منهم هذا النوع للشعر الجاف 

غسول للبشره من نترووجينا ، ينظف البشره كويس بس عيبه نشف بشرتي انا بشرتي مختلطه احتاج مرطب قوي بعده بس اشوف انه مناسب للبشره المختلطه ،عموما غسولات نتروجينا جربت كذا نوع كلهم حلوين وينظفون البشره كويس 






وبكذا خلصت التدوينه السريعه :)